Elordada dástúrli Astana Half Marathon jarysy ótti. Jarys aıasynda quramyna 40-qa jýyq adam kirgen Funduk Team ınklıýzıvti komandasynyń 10 ekıpajy startqa shyqty, dep habarlaıdy Egemen.kz
Ár ekıpaj bir shtýrmannan, ınklıýzıvti qatysýshy jáne oǵan qashyqtyqty eńserýge kómektesken úsh pılottan turdy.
Mundaı bastamalar ınklıýzıvti ortany damytýǵa jáne qalalyq keńistiktiń barlyq turǵyn úshin qoljetimdi ári jaıly etý qaǵıdattaryn ilgeriletýge yqpal etedi.
«Men úshin mundaı marafonǵa qatysý – eń aldymen iri sporttyq oqıǵanyń atmosferasyn sezinip, osy is-sharanyń bir bóligine aınalý múmkindigi. Kórermenderdiń qoldaýyn seziný jáne osyndaı is-sharalardyń barlyq qatysýshy úshin barǵan saıyn qoljetimdi bolyp kele jatqanyn kórý qýantady», dedi jarysqa qatysýshylardyń biri.
Aıta keteıik, bıylǵy Astana Half Marathon jarysy álemniń 30-dan astam elinen kelgen shamamen 7000 qatysýshynyń basyn qosady. Marafon baǵyty elordanyń negizgi kósheleri men kórikti oryndaryn qamtydy.
Astana Half Marathon qatysýshylary «Taza Qazaqstan» aksııasyn qoldap, ploggıng ótkizdi
Is-shara baǵdarlamasynda 21,1 shaqyrym, 10 shaqyrym, skandınavııalyq júris jáne «Ekıden» komandalyq estafetasy boıynsha jarystar ótti.