Aqmola oblysynyń Birsýat aýylynda jergilikti agroónerkásip kásipornynyń qarajaty esebinen salynǵan zamanaýı dene shynyqtyrý-saýyqtyrý kesheni paıdalanýǵa berildi, dep habarlaıdy Egemen.kz
Aýmaǵy 315 sharshy metrden asatyn jańa nysan bir aýysymda 100 adamdy qabyldaýǵa qaýqarly. Keshende shaǵyn fýtbol, voleıbol, basketbol jáne dzıýdo sport túrlerimen aınalysýǵa arnalǵan ámbebap zal qarastyrylǵan. Bul aýyldaǵy 700-den astam turǵynnyń sportpen shuǵyldanýyna múmkindik beredi.
Nysannyń ashylý rásimine qatysqan Aqmola oblysynyń ákimi Marat Ahmetjanov bıznestiń áleýmettik jaýapkershiligin joǵary baǵalap, kásipkerlerge alǵys aıtty. Sondaı-aq keshenniń janynan vorkaýt jáne komandalyq oıyndarǵa arnalǵan qosymsha ashyq sport alańyn salýdy tapsyrdy.
Sport kesheniniń ashylýymen qatar aýyldy abattandyrý jumystary da júrgizildi. Atap aıtqanda, kósheler men stadıonnyń jaryqtandyrý júıesi jańartylyp, uzyndyǵy 15 shaqyrym bolatyn kireberis jol paıdalanýǵa berildi.