Armenııada jeksenbi kúni kezekti parlament saılaýy bastaldy. Saılaý qorytyndysy boıynsha eldiń jańa premer-mınıstri de aıqyndalady, dep habarlaıdy Egemen.kz
Respýblıkanyń Ortalyq saılaý komıssııasynyń málimetinshe, eldegi saılaýshylar sany 2 mln 485 myń 851 adamdy quraıdy. El aýmaǵynda tańǵy saǵat 08:00-den keshki 20:00-ge deıin 2005 saılaý ýchaskesi jumys isteıdi.
Bul sońǵy toǵyz jyldaǵy alǵashqy kezekti parlament saılaýy. Buǵan deıingi 2018 jáne 2021 jyldardaǵy saılaýlar kezekten tys ótken bolatyn. Bıylǵy dodaǵa 18 saıası kúsh qatysýda. Zań boıynsha saılaýshylardyń eń tómengi qatysý shegi belgilenbegen. Sondyqtan daýys bergen azamattardyń sanyna qaramastan saılaý ótti dep tanylady. Daýys berý proporsıonaldy saılaý júıesi boıynsha uıymdastyrylǵan.
Eýroodaq Armenııaǵa 50 mıllıon eýro bóledi
Partııalar úshin ótý shegi 4 paıyzdy quraıdy. Eki nemese úsh partııadan quralǵan bloktar úshin bul kórsetkish 8 paıyz, al tórt jáne odan da kóp partııadan turatyn keń koalısııalar úshin 10 paıyz bolyp belgilengen.
GALLUP International Association uıymynyń Armenııadaǵy ókildigi júrgizgen saýalnama nátıjesine sáıkes, oppozısııalyq partııalar kúsh biriktirgen jaǵdaıda bılik partııasynan kóp daýys jınaýy múmkin.
Saýalnamaǵa sáıkes, qazirgi premer-mınıstr Nıkol Pashınıan jetekshilik etetin «Azamattyq kelisim» partııasyn respondentterdiń 32,4 paıyzy qoldaýǵa daıyn.
Qazaqstan – Armenııa: Senim men jaýapkershilikke negizdelgen seriktestik
Al reseılik armıan kásipkeri Samvel Karapetıan qurǵan «Kúshti Armenııa» partııasy 16,4 paıyz, eldiń burynǵy prezıdenti Robert Kocharıan jetekshilik etetin «Armenııa» blogy 15,2 paıyz, kásipker Gagık Sarýkıan basqaratyn «Gúldengen Armenııa» partııasy 8,8 paıyz, al burynǵy ombýdsmen Arman Tatoıan jetekshilik etetin «Birlik qanattary» partııasy 6,2 paıyz qoldaýǵa ıe.
Osylaısha, negizgi tórt oppozısııalyq kúshtiń jıyntyq reıtıngi 46,6 paıyzdy qurap otyr.