Qyrǵyzstannyń Tótenshe jaǵdaılar mınıstrligi Ystyqkól oblysynda sel júrgen kezde joǵalyp ketken mektep oqýshysyn izdeý jumystaryn jalǵastyryp jatyr, dep habarlaıdy Egemen.kz.
Sputnik Qyrǵyzstannyń málimdeýinshe, 5 maýsym kúni keshki saǵat 20:00 shamasynda nóser jańbyrdyń saldarynan taý betkeıi opyrylyp, sel aǵyndarymen aralasyp, Balyqshy – Ananevo – Qarakól avtojolynyń bir bóligin jaýyp qalǵan. Laı men tas massasy Mercedes-Benz Sprinter jáne Ford Mondeo avtokólikterin, sondaı-aq eki adamdy basyp qalǵan. Sol kúni saǵat 23:35-te 18 jastaǵy jigittiń máıiti tabylǵan.
Qyrǵyzstan alǵash ret BUU Qaýipsizdik Keńesiniń múshesi atandy
izdeý jumystaryna shamamen 200 qutqarýshy, polıseıler, azamattyq qorǵanys mamandary jáne jergilikti turǵyndar tartylyp, aýysymmen jumys istep jatyr.
«Sel aǵyny saldarynan habar-osharsyz ketken mektep oqýshysyn izdeý jalǵasyp jatyr. Ázirge nátıje joq, qosymsha aqparat keıinirek beriledi», dep habarlady Qyrǵystannyń TJ mınıstrligi.
Buǵan deıin Qyrǵyzstanda memlekettik qyzmetkerlerge arnalǵan jańa jumys kıim erejesi engiziletini týraly habarlaǵan edik.