Almatyda polıseıler qaraqshylyq shabýyl jasady degen kúdikpen er adamdy izin sýytpaı ustady. IIM málimetinshe, oqıǵa avtokólik satýshysy men satyp alýshysynyń kezdesýi kezinde bolǵan, dep habarlaıdy Egemen.kz
Almatyda polıseıler qaraqshylyq shabýyl jasady degen kúdikpen er adamdy izin sýytpaı ustady. IIM málimetinshe, oqıǵa avtokólik satýshysy men satyp alýshysynyń kezdesýi kezinde bolǵan.
Kólikti satyp alý-satý barysynda eki azamat arasynda janjal týyndap, sonyń saldarynan olardyń biri ekinshisine pyshaq jaraqatyn salǵan. Keıin kúdikti kólikti ıemdenip, oqıǵa ornynan boı tasalaǵan.
Qylmys týraly habar túskennen keıin qalada «Perehvat» arnaıy jospary jarııalandy. Kóp uzamaı kúdikti Raıymbek dańǵylynyń boıynda ustaldy. Onyń janynan iske qatysty aıǵaqty zattar tárkilendi.
Kúdiktini saýsaq izi áshkereledi: Aqmola oblysynda 19 jyl buryn jasalǵan urlyqtyń beti ashyldy
Zardap shekken azamat aýrýhanaǵa jetkizildi. Al ustalǵan kúdikti ýaqytsha ustaý ızolıatoryna qamaldy.
Atalǵan derek boıynsha sotqa deıingi tergeý amaldary júrgizilip jatyr.