Qyzylorda oblysynda birneshe kúnnen beri iz-túzsiz joǵalyp ketken Medına Muratbekqyzynyń máıiti tabyldy, dep habarlaıdy Egemen.kz.
Búldirshinniń máıiti Áıtek sý torabynan aǵys boıymen shamamen 30 shaqyrym tómen jerden, Syrdarııa ózeninen tabylǵan. Qutqarýshylar máıitti sý aıdynynan shyǵaryp alǵan.
Eske salaıyq, Medına 5 maýsym kúni keshki ýaqytta Qyzylorda qalasyndaǵy Syrdarııa ózeniniń jaǵalaýyna jaqyn ornalasqan «Rısmash» aýdanyndaǵy úıinen shyǵyp ketip, qaıta oralmaǵan bolatyn. Osydan keıin óńirde aýqymdy izdestirý jumystary bastaldy.
Túrkistan oblysynda joǵalǵan jasóspirim Shymkentten tabyldy
Izdeý operasııasyna qutqarýshylar, polısııa qyzmetkerleri men eriktiler jumyldyryldy. Sondaı-aq drondar, qyzmettik ıtter, qaıyqtar jáne súńgýirler tartylyp, ózen boıy men oǵan irgeles aýmaqtar birneshe táýlik boıy muqııat tekserildi.
Buǵan deıin Taldyqorǵanda joǵalyp ketken erekshe balanyń máıiti tabylǵany týraly jazǵan edik.