Ońtústik Koreıa prezıdenti Lı Chje Mıon shaǵyn jáne orta bıznes pen startaptar isteri jónindegi mınıstr Han Son Sýkti eldiń premer-mınıstri qyzmetine usyndy, dep habarlaıdy Egemen.kz
Reuters agenttiginiń prezıdent ákimshiligine silteme jasap habarlaýynsha, eger parlament bul kandıdatýrany maquldasa, Han Son Sýk sońǵy 20 jyldaǵy Ońtústik Koreıanyń alǵashqy áıel premer-mınıstri atanady.
Buǵan deıin ońtústikkoreıalyq ınternet-alyp Naver kompanııasynyń bas dırektory qyzmetin atqarǵan Son Sýk eldegi jasandy ıntellekt tehnologııalaryn engizý úderisine jetekshilik etedi dep kútilýde. Bul týraly brıfıng barysynda Ońtústik Koreıa prezıdenti ákimshiliginiń basshysy Kan Hýn Sık málimdedi.
«Han Ońtústik Koreıa ekonomıkasynyń jartylaı ótkizgishter óndirisiniń qarqyndy damýy men eksporttyń ósýi nátıjesinde qol jetkizgen ósimin shaǵyn jáne orta kásiporyndardy qosa alǵanda, qoǵamnyń barlyq salasyna áser etetin jan-jaqty ekonomıkalyq ósimge aınaldyra alady», dedi ol.
Agenttik málimetinshe, Ońtústik Koreıanyń prezıdenttik basqarý júıesinde premer-mınıstrdiń róli negizinen rásimdik jáne ákimshilik sıpatqa ıe.