Mańǵystaý oblysyndaǵy Ústirt qoryǵy aýmaǵynda 2024 jyly fototuzaqtarǵa alǵash ret túsken aldyńǵyazııalyq (parsy) qabylanynyń atalyǵy qaıtadan kórinip otyr, dep habarlaıdy Egemen.kz.
Osylaısha, naýryz ben mamyr aralyǵynda qabylan «Qyzylsaıǵa» baryp, qaıta oralyp, keminde 450 shaqyrym jol júrgen. Ol osyǵan uqsas baǵytty 2025 jyly da eńsergen bolatyn.
Ortalyq mamandarynyń aıtýynsha, qabylan analyǵyn izdeý maqsatynda únemi uzaq qashyqtyqtarǵa kóship-qonyp júre berdi. Alaıda ázirge bul áreketter nátıje bermeı otyr. Sebebi atalyqtarmen salystyrǵanda analyq qabylandar mundaı alys saparlarǵa sırek shyǵady. Túrikmenstannan Ústirttiń otandyq bóligine analyq qabylandardyń ótkeni týraly naqty derekter joq, degenmen mundaı múmkindikti tolyq joqqa shyǵarýǵa bolmaıdy.
Ústirtte dala mysyǵy fototuzaqqa túsip qaldy
Mańǵystaý aýmaǵyndaǵy qabylannyń qozǵalysyn baqylaý Ústirt qoryǵy men «Qyzylsaı» tabıǵı parkiniń 2023 jyldan beri júzege asyryp kele jatqan yntymaqtastyǵynyń arqasynda múmkin boldy. Bul jumys Qazaqstandaǵy qabylandardy zertteý jáne qorǵaý jónindegi halyqaralyq joba aıasynda júrgizilip jatyr. Jobany úılestirýdi BRCC qoǵamdyq qory atqarady.
Aldyńǵyazııalyq qabylan 2021 jyly Qazaqstannyń Qyzyl kitabyna engizilgen. Qazaqstanda bul jyrtqyshtyń turaqty popýlıasııasy joq. Ol Mańǵystaý oblysynyń aýmaǵyna áredik Túrikmenstannan kelip turady.
Shyǵys Qazaqstanda qar barysy fototuzaqty zaqymdap ketken