Qazaqstan fýtbol federasııasy ulttyq quramanyń bas bapkeri Talǵat Baısýfınovtyń qyzmetinen ketýi múmkin ekeni týraly aqparatty joqqa shyǵardy, dep habarlaıdy Egemen.kz.
Federasııa málimetinshe, bul aqparat shyndyqqa sáıkes kelmeıdi. QFF Talǵat Baısýfınovqa tolyq senim bildirip, onyń kásibı biliktiligin, ulttyq quramany damytý jolyndaǵy eńbegin jáne komandany aldaǵy jarystarǵa daıyndaý jumystaryn joǵary baǵalaıdy.
Sondaı-aq federasııa BAQ ókilderin, blogerler men áleýmettik jeli qoldanýshylaryn tek resmı derekkózderge súıenýge jáne rastalmaǵan aqparatty taratpaýǵa shaqyrdy.
QFF kadrlyq ózgeristerge qatysty barlyq resmı aqparat federasııanyń resmı resýrstarynda ǵana jarııalanatynyn atap ótti.