9-11 maýsym aralyǵynda Qazaqstannyń basym bóliginde aýa raıy qubylmaly bolady. Bul týraly «Qazgıdromet» málimdedi, dep habarlaıdy Egemen.kz.
Sınoptıkterdiń boljamynsha, batys sıklonnyń saldarynan elimizde jańbyr jaýyp, naızaǵaı oınaıdy. Keı óńirlerde jel kúsheıip, daýyl turyp, burshaq jaýýy múmkin.
9-11 maýsym kúnderi eldiń soltústik-batysy men soltústiginde, al 11 maýsymda ońtústik-shyǵysynda qatty jaýyn-shashyn kútiledi.
Aýa temperatýrasy óńirler boıynsha ártúrli bolady. Batysta kúndiz +27...+35 gradýsqa deıin jylynsa, soltústikte +17...+28 gradýsqa deıin tómendep, aptap ystyqtyń beti qaıtady.
El aýmaǵynda aýa raıyna baılanysty eskertý jarııalandy
Soltústik-shyǵys pen ortalyq óńirlerde aýa temperatýrasy +25...+33 gradýs shamasynda saqtalady. Al ońtústik pen ońtústik-shyǵysta +27...+35 gradýsqa deıin jylynady. Shyǵysta aptap ystyq saqtalyp, synap baǵany +32...+39 gradýsqa deıin kóteriledi.
Eske sala keteıik, buǵan deıin Atyraýda úsh kún boıy tolassyz jaýǵan jańbyr saldarynan kóshelerdi sý basqan edi.