Astanada taksı júrgizýshisi adamdar serýendep júrgen jaǵalaý aýmaǵyna kólikpen kirip ketkeni úshin ákimshilik jaýapkershilikke tartyldy, dep habarlaıdy Egemen.kz.
Oqıǵa túngi ýaqytta Atatúrik saıabaǵy mańyndaǵy jaǵalaýda bolǵan. Kýágerlerdiń aıtýynsha, taksı belgileri qoıylǵan Chevrolet Cobalt kóligi jaıaý júrginshilerge arnalǵan aımaqpen júrip ótip, aınaladaǵy adamdarǵa qaýip tóndirgen. Júrgizýshi bul kezde apattyq belgi shamdaryn qosyp qoıǵan.
Oqıǵa týraly áleýmettik jelide jarııalanǵannan keıin polısııa tekserý júrgizdi. Nátıjesinde Chevrolet kóliginiń júrgizýshisi jol qozǵalysy erejelerin buzyp, jaıaý júrginshiler jolymen júrgeni úshin ákimshilik jaýapkershilikke tartylǵan.
Almatyda jolaýshy taksı júrgizýshisin oıynshyq tapanshamen qorqytqan
Quqyq qorǵaý organdary júrgizýshimen profılaktıkalyq áńgime júrgizilip, jol qozǵalysy erejelerin qatań saqtaý qajettigi túsindirilgenin habarlady. Alaıda salynǵan aıyppul kólemi naqtylanbady.
Aıta keteıik, buǵan deıin de Astanadaǵy Atatúrik saıabaǵyndaǵy qoǵamdyq tártip máselesi talqylanǵan bolatyn. Qala turǵyndarynyń biri saıabaqta tártip buzatyn balalardyń ata-analaryna aıyppul salýdy usynyp, baqylaý kameralarynyń sanyn arttyrý qajet ekenin aıtqan edi.
Pavlodar oblysynda taksı jol apatyna ushyrap, stýdent eki aıaǵynan aıyryldy