Germanııa soty Facebook áleýmettik jelisinde el kansleri Frıdrıh Mers týraly qorlaıtyn pikir jazǵan eki azamatqa salynǵan aıyppuldy zańdy dep tanydy, dep habarlaıdy Egemen.kz.
Olardyń biri saıasatkerdi «Lügenfritz» («ótirikshi Frıs») dep ataǵan. Erıngen qalasynyń soty oǵan 30 kúndik mólsherleme kóleminde aıyppul taǵaıyndady. Bul soma azamattyń tabysyna qaraı esepteledi jáne 2 myń eýrodan asýy múmkin. Sot sheshimi kúshine endi.
Taǵy bir Facebook qoldanýshysy kanslerge qatysty dóreki laqap at qoldanǵany úshin dál osyndaı jazaǵa tartyldy.
Jalpy Haılbronn prokýratýrasy 39 pikirdi teksergen. Onyń 15-i boıynsha is toqtatylsa, qalǵan materıaldar ózge vedomstvolarǵa joldanǵan nemese áli qaralý ústinde.
Malaızııada balalardyń áleýmettik jelige tirkelýine tyıym salyndy
Tergeýge kanslerdiń Haılbronn qalasyna sapary kezinde polısııa jarııalaǵan habarlama sebep bolǵan. Pikir avtorlary Germanııa Qylmystyq kodeksiniń saıasatkerlerdi qorlaý men jala jabýǵa qatysty jaýapkershilikti kózdeıtin 188-baby boıynsha jaýapqa tartylǵan.