Fılıppın jaǵalaýynda bolǵan kúshti jer silkinisinen keıin Japonııanyń birneshe aımaǵynda sýnamı qaýpi jarııalanyp, jappaı evakýasııa júrgizildi, dep habarlaıdy Egemen.kz.
Eýro-Jerorta teńizi seısmologııalyq ortalyǵynyń málimetinshe, Fılıppınniń Mındanao araly mańynda magnıtýdasy 7,8 bolatyn jer silkinisi tirkelgen. Osydan keıin Japonııa bıligi sýnamı qaýpi týraly eskertý jarııalady.
Habarlamaǵa sáıkes, evakýasııa Kanto óńirinen bastap Kıýsıý men Okınavaǵa deıingi birqatar aımaqty qamtydy. Turǵyndarǵa jaǵalaý aýmaqtaryn, ózen saǵalaryn dereý tastap, qaýipsiz jerlerge kóshý usynyldy.
Jalpy 10 prefektýrada – Ibarakı, Tıba, Sıdzýoka, Aıtı, Mıe, Vakaıama, Kotı, Mııadzakı, Kagosıma jáne Okınavada shamamen 95 myńnan astam úı sharýashylyǵy, ıaǵnı 181 myńnan astam adam evakýasııalanǵan.
Almaty mańynda bolǵan jer silkinisi úsh oblysta sezilgen
Jergilikti bılik turǵyndarǵa teńizge jaqyndamaýdy jáne qaýipsiz aımaqtarda qalýdy eskertti. Mamandardyń aıtýynsha, kúshti aǵyndar saqtalýy múmkin, sondyqtan sýnamı qaýpi tolyq joıylǵanǵa deıin saqtyq sharalaryn ustaný qajet.