Elimizde sońǵy jyldary memlekettik granttar sany aıtarlyqtaı artqan. 2022-2023 oqý jylynda 380 grant bólinse, 2025-2026 oqý jylyna 586 grant qarastyrylǵan, dep habarlaıdy Egemen.kz.
Ǵylym jáne joǵary bilim vıse-mınıstri Gúlzat Kóbenova Úkimet otyrysynda Azamattyq avıasııa salasy úshin kadrlar daıarlaý boıynsha júrgizilip jatqan jumystar týraly baıandady.
Ol Memleket basshysynyń 2025 jylǵy 3 jeltoqsandaǵy avıahabtardy damytý jónindegi tapsyrmasyna sáıkes, azamattyq avıasııa salasy úshin kadrlar daıarlaý júıesin jańǵyrtý baǵytynda keshendi jumystar júrgizilip jatqanyn atap ótti.
Búginde avıasııa salasy qarqyndy damyp keledi. Jolaýshylar men júk tasymaly artyp, sıfrlyq tehnologııalar engizilýde, halyqaralyq qaýipsizdik talaptary kúsheıýde. Osyǵan baılanysty salada joǵary bilikti mamandarǵa suranys ósip otyr.
Vıse-mınıstr sońǵy jyldary memlekettik granttar sany aıtarlyqtaı artqanyn aıtty. Eger 2022-2023 oqý jylynda 380 grant bólinse, 2025-2026 oqý jylyna 586 grant qarastyrylǵan.
Aıta keteıik, qazaqstandyq oqýshy Álıhan Serikov Stanford University ýnıversıtetine Restrictive Early Action erte irikteý baǵdarlamasy boıynsha tolyq qarjylyq grantpen oqýǵa qabyldandy.