Shyǵys Qazaqstan oblysynda áleýmettik jeli arqyly jalǵan týrıstik qyzmet usynyp, azamattardy aldaǵan alaıaq sottaldy. Ol «jeńildikpen týrıstik joldamalar» satamyn dep 13 adamnyń aqshasyn ıemdengen, dep jazady Egemen.kz.
Bul týraly Bas prokýratýra habarlady. Vedomstvo málimetinshe, kúdikti týrıstik fırma ashyp, ony «Travel the world» dep ataǵan. Ol áleýmettik jelilerde Birikken Arab Ámirlikteri, Egıpet jáne Túrkııaǵa arzan baǵamen demalys týrlaryn usynǵan jarnama jarııalap otyrǵan.
Nátıjesinde 13 jábirlenýshi jalpy somasy 20 mln teńgeden astam qarjysynan aıyrylǵan.
Sot ony asa iri kólemdegi alaıaqtyq jasaǵany úshin kináli dep tanyp, bastapqyda 5 jyl bas bostandyǵynan aıyrý jazasyn taǵaıyndaǵan.
Alaıda apellıasııalyq sot «Raqymshylyq týraly» zańdy qoldanyp, jazany 4 jylǵa deıin qysqartqan. Keıin prokýratýra tekserýi barysynda raqymshylyq normasy durys qoldanylmaǵany anyqtalǵan. Kassasııalyq narazylyqtan keıin sot sheshimi qaıta qaralyp, jaza qaıtadan 5 jylǵa deıin uzartyldy.
Bank basshysynyń beınesin qoldanǵan: Jelide alaıaqtyqtyń jańa túri paıda boldy
Quqyq qorǵaý organdary azamattardy áleýmettik jeliler arqyly týrıstik qyzmet satyp alýda asa saq bolýǵa shaqyrady.
Buǵan deıin Oral qalasynda da ózin týragent retinde tanystyryp, 15-ten astam adamdy aldap, 25 mln teńgeden astam shyǵyn keltirgen alaıaq anyqtalǵan bolatyn.
Ýkraınadaǵy alaıaqtyq: Qazaqstan azamattaryn aldap kelgen 53 shetel azamaty ustaldy