Mańǵystaý oblysynda týrızmdi damytýǵa baǵyttalǵan iri ınfraqurylymdyq joba júzege asyrylyp jatyr. Memleket basshysynyń tapsyrmasyna sáıkes Qaraqııa aýdanyndaǵy «Kendirli» kýrorttyq aımaǵynda jańa áýejaıdyń qurylysy júrgizilip jatyr. Nysan Kaspıı teńiziniń jaǵalaýynan 13 shaqyrym qashyqta ornalasqan jáne óńirdiń týrıstik áleýetin arttyrýǵa baǵyttalǵan, dep jazady Egemen.kz.
Joba barysy Úkimet otyrysynda qaralyp, Mańǵystaý oblysynyń ákimi Nurdáýlet Qılybaı qurylys qarqyny týraly esep berdi.
Ákimniń aıtýynsha, áýejaıdyń jalpy quny 56,9 mlrd teńgeni quraıdy, onyń 19,9 mlrd teńgesi ıgerilgen. Qazirgi tańda qurylys alańynda 215 jumysshy jáne 122 birlik arnaıy tehnıka táýlik boıy jumys istep jatyr. Jobanyń oryndalý deńgeıi 32%-ǵa jetken.
«Bekitilgen kestege sáıkes áýejaıdy iske qosý osy jyldyń IV toqsanyna josparlanǵan», dedi Nurdáýlet Qılybaı.
Qazaqstan áýejaılarynda jolaýshylardy bet-álpet arqyly tirkeý engiziledi
Onyń málimetinshe, birinshi kezeńde uzyndyǵy 2 200 metrlik ushý-qoný jolaǵy salynyp jatyr. Bul jolaq Q-400, ATR jáne CRJ tıpti áýe kemelerin qabyldaýǵa múmkindik beredi. Keıingi kezeńderde ınfraqurylym keńeıtilip, Airbus A320 jáne Boeing 737 sııaqty iri laınerlerdi qabyldaý múmkindigi qamtamasyz etiledi.
Joba tolyq iske qosylǵanda halyqaralyq jáne ishki baǵyttardy qosa alǵanda 9 jańa avıabaǵyt ashý josparlanyp otyr. Bul sheshim óńirdiń kólik baılanysyn kúsheıtip, Kendirli kýrorttyq aımaǵynyń týrıstik tartymdylyǵyn arttyrýǵa yqpal etpek.
Qosshy, Qaraǵandy álde Pavlodar: Astananyń ekinshi áýejaıy qaı baǵytta salynýy múmkin?