Astana qalasyndaǵy Qajymuqan Muńaıtpasov atyndaǵy ortalyq stadıonnyń tehnıkalyq ashylýy 25 mamyrǵa josparlandy. Bul týraly qalalyq máslıhat habarlady, dep jazady Egemen.kz.
Depýtattar áleýmettik-mádenı damý máseleleri jónindegi turaqty komıssııa otyrysy aldynda nysanǵa baryp, stadıonnyń daıyndyq deńgeıimen tanysty. Sondaı-aq olar múmkindigi shekteýli azamattar úshin jasalǵan jaǵdaılardy tekserdi.
Kóshpeli jıyn barysynda stadıondy jańǵyrtý jumystarynyń sapasy men bıýdjet qarajatynyń tıimdi jumsalýyna erekshe nazar aýdaryldy.
Aıta keteıik, Qajymuqan Muńaıtpasov atyndaǵy ortalyq stadıon qurylysynyń aıaqtalý merzimi birneshe ret keıinge shegerilgen. 2025 jyldyń maýsymynda nysandy 2026 jyldyń ekinshi toqsanynda paıdalanýǵa berý josparlanǵany habarlanǵan edi. Buǵan deıin qurylys birinshi toqsanda aıaqtalady dep kútilgen bolatyn.
«Qaısar» stadıony ÝEFA tarapynan joǵary baǵalandy
Stadıon ashylǵannan keıin munda 8 ben 18 jas aralyǵyndaǵy 750 balaǵa arnalǵan olımpıadalyq rezervtiń mamandandyrylǵan balalar-jasóspirimder sport mektebi jumys isteıdi. Oqýshylar úshin jasandy jabyny bar fýtbol alańy, kıim aýystyratyn bólmeler, jattyqtyrýshylar kabıneti, medısınalyq kabınet jáne trıbýnalar qarastyrylǵan.
«Qaırat» klýby «Aqtóbemen» oınaıdy: Stadıon mańynda qaýipsizdik kúsheıtiledi
Jańa sport nysany memleketke qaıtarylǵan aktıvter esebinen salynyp jatyr. Qurylysqa arnaıy memlekettik qordan 17 mlrd teńge bólingen. Stadıonnyń jalpy aýmaǵy 15 myń sharshy metrden asady, al kórermen syıymdylyǵy 3600 orynǵa eseptelgen.