Qazaqstanda 3,4 mıllıon adam tegin dári-dármek alady. Kelesi jyldan bastap el azamattaryn dári-dármekpen qamtamasyz etýdiń jańa tásili engizilmek, dep habarlaıdy Egemen.kz.
Densaýlyq saqtaý vıse-mınıstri Tımýr Muratovtyń aıtýynsha, qazir elimizde 3,4 mıllıon adam tegin dári-dármekpen qamtylǵan. Alaıda pasıentterdiń ózderi aıtqandaı, beriletin dárilerdiń barlyǵy birdeı qoldanylmaıdy.
«Biz derbestendirilgen ótinimder júıesine kóshemiz. Dáriger naýqasqa qandaı dári taǵaıyndasa, biz sony satyp alyp beremiz. Bul – óte aýqymdy jumys. Munda sıfrlyq platforma, sıfrlyq monıtorıng qarastyrylǵan. Osy baǵytta «SK-Farmasııa» jáne jergilikti medısınalyq uıymdar men dárigerler úlken jumys júrgizip jatyr. Bıyl osy júıege kóshemiz, al 2027 jyldan bastap pasıentke naqty qajet, dáriger jazyp bergen preparattardy beremiz», dedi Tımýr Muratov.
Ol júıe sozylmaly aýrýy bar naýqastarǵa dáriger qandaı preparat taǵaıyndaıtynyn jınaqtap otyratynyn túsindirdi.
«Naýqasqa onyń salmaǵy, boıy jáne basqa da jeke erekshelikterin eskere otyryp, jeke terapııa taǵaıyndaýǵa bolady. Sodan keıin bir jyl boıy sol dárilerdi satyp alyp, qamtamasyz etýge múmkindik týady», dep atap ótti vıse-mınıstr.
Aıta keteıik, elimizde óndiriletin dári-dármek kólemi artyp keledi. Qazir otandyq dári-dármek úlesi shamamen 40 paıyzǵa jetti.