Qaraǵandy oblysynda órt oshaqtaryn der kezinde anyqtap, jalynnyń taralý baǵytyn boljaý úshin drondar qoldanylyp jatyr. Sonymen qatar bıyl aýyldyq jerlerde jańa órt sóndirý beketteri ashylady, dep jazady Egemen.kz.
О́rt qaýpi joǵary kezeńge daıyndyq máselesi oblys ákimdiginde ótken apparattyq keńeste qaraldy.
Oblystyq tótenshe jaǵdaılar departamentiniń bastyǵy Marǵulan Amanbaev óńirde tabıǵı órttermen kúreske 60 tehnıka, 571 maman jáne bir tikushaq jumyldyrylǵanyn aıtty.
Táýlik boıy jedel shtab jumys isteıdi. Orman alqaptaryndaǵy ahýal ǵaryshtyq monıtorıng arqyly baqylanyp, beınebaqylaý júıeleriniń derekteri saraptalady. О́rtti barlaý jáne onyń taralý qaýpin baǵalaý úshin 10 dron paıdalanylyp jatyr.
Astanada tazalyqty baqylaýǵa drondar jumyldyrylady
Qazirgi tańda 148 eldi mekenniń qaýipsizdigin qamtamasyz etetin 66 órt sóndirý beketi táýlik boıy kezekshilik atqarady. Bıyl «Aýyl qutqarýshylary» baǵdarlamasy aıasynda aýdandarda taǵy 18 beket ashylyp, qoldanystaǵy 14 nysan jańǵyrtylady.
28-29 mamyr kúnderi Buırataý ulttyq tabıǵı parki aýmaǵynda «О́rt-2026» respýblıkalyq oqý-jattyǵýy ótedi. Oqý-jattyǵý barysynda tabıǵı órt kezinde barlyq qyzmettiń ózara is-qımyly pysyqtalady.
Oblystyq tabıǵı resýrstar jáne tabıǵat paıdalanýdy retteý basqarmasynyń basshysy Baqtııar Sanbaev Kýv orman sharýashylyǵyn avıasııalyq qorǵaý máselesi sheshilgenin málimdedi. Sondaı-aq óńirde órttiń taralýyn shekteýge arnalǵan mıneraldy jolaqtar jasalyp jatyr.
Ormandy-dalalyq aýmaqtar men demalys oryndarynda mobıldi toptar reıd júrgizip otyr. Qaýipsizdik talaptaryn buzǵan 30 adam ákimshilik jaýapkershilikke tartyldy. Onyń ishinde ot jaqqan, qurǵaq shóp órtegen jáne órt qaýipsizdigi erejelerin saqtamaǵan azamattar bar. Orman órt qaýipsizdigin buzý deregi boıynsha 7 hattama toltyrylǵan.
Qazaqstanda jol sapasyn drondar baqylaıdy
Oblys ákimi Ermaǵanbet Bólekpaev tabıǵı órtterdiń aldyn alý sharalaryn kúsheıtip, reıdtik jumystardy jandandyrýdy tapsyrdy.
«Tabıǵı órtterge jedel áreket etý úshin barlyq kúsh pen tehnıkanyń daıyndyǵy qamtamasyz etilýi qajet. Eń bastysy – iri tótenshe jaǵdaılarǵa jol bermeý úshin aldyn alý sharalaryn ýaqytyly qabyldaý», dedi óńir basshysy.
Eske salaıyq, buǵan deıin Alakól jaǵalaýyn drondar baqylaıtyny týraly jazǵanbyz.