Sammıt aıasyndaǵy kezdesýler

Keshe Qazaqstan Respýblıkasynyń Syrtqy ister mınıstri Erjan Qazyhanov elimizge ShYU-nyń mereıtoılyq sammıtine BUU delegasııasynyń basshysy retinde kelgen BUU Bas hatshysynyń orynbasary, BUU Vena bólimshesiniń bas dırektory, BUU-nyń Esirtki jáne qylmys jónindegi basqarmasynyń atqarýshy dırektory Iýrıı Fedotovpen kezdesti. Qazaqstandyq SIM basshysy áńgimelesýshi tarapty jaqynda BUU-nyń Esirtki jáne qylmys jónindegi basqarmasynyń atqa­rý­shy dırektory jáne BUU Vena bólimshesiniń bas dırektory laýa­zymdaryna taǵaıyndalýymen qut­tyqtaı otyryp, ekijaqty ynty­maqtastyqtyń tıimdiligin artty­ryp, belsendiligin kóterýge úles qosatynyna senim bildirdi. E.Qazyhanov atap ótkendeı, BUU-nyń Esirtki jáne qylmys jó­nindegi basqarmasy jetek­shi­si­niń sapary aımaqtyq qaýipsizdik­tiń mańyzdy forýmyna aınalǵan Shanhaı yntymaqtastyq uıymy­nyń 10 jyldyq mereıtoıyna tuspa-tus kelip otyr. Otandyq syrtqy saıasat me­ke­mesiniń basshysy aıtyp ót­ken­deı, Qazaqstannyń ShYU-ǵa tór­aǵalyǵy kezeńinde   ShYU-nyń BUU-men baılanystary aıtar­lyq­taı jaqsardy. ShYU-nyń О́ńirlik terrorızmge qarsy qurylymy men Esirtki jáne túrli psıhotroptyq zattardyń zańsyz aınalymymen kúres boıynsha Ortalyq Azııa óńirlik aqparattyq úılestirýshi ortalyq arasynda ózara túsi­nis­tik týraly hattamaǵa qol qoıyl­dy. BUU-nyń Esirtki jáne qyl­mys jónindegi basqarmasymen jáne Esirtki baqylaýynyń ha­lyq­aralyq komıtetimen baıla­nys­tar qaıta jandandy. Kezdesý barysynda E.Qazy­ha­nov suhbattasyn aldaǵy 28-30 maýsym kúnderi Astanada «Beıbitshilik, yntymaqtastyq jáne da­mý» uranymen ótetin IKU SIMK 38-otyrysynyń kún tárti­bimen tanystyryp, IKU-ǵa múshe memleketterdiń syrtqy ister mınıstrleri Uıymnyń qalyptasýy men damýy úshin tarıhı mańyzy bar sheshimder qabyldaıdy dep kútilip otyrǵanyn jetkizdi. Sol kúni Qazaqstannyń Syrt­qy ister mınıstri E.Qazyhanov TMD Atqarýshy komıtetiniń tór­aǵasy – TMD-niń Atqarýshy hat­shysy Sergeı Lebedevpen kezdesip, áńgime barysynda ony alda­ǵy ShYU Sammıtiniń kún tártibimen tanystyrdy. TMD sheńberindegi árekettes­tik jaıly aıtyp ótken E.Qa­zyhanov Qazaqstan Dostastyq sheńberindegi ıntegrasııalyq úde­risterdiń aldaǵy damýyn qol­daıtynyn atap kórsetti. Osyǵan baılanysty qazaqstandyq mınıstr TMD-nyń «Bir jyl – bir taqyryp» atty jumys qaǵıdaty tıimdi bolyp shyqqandyǵyn kól­deneń tartty. Bul qaǵıdat Prezıdent N.Nazarbaevtyń Dostastyq elderiniń basym kópshiliginiń múd­delerine qatysty negizgi má­se­lelerdiń bireýi boıynsha naqty nátıjelerge qol jetkizý úshin usynǵan bastamasy bolatyn. E.Qazyhanov ústimizdegi jyl TMD-daǵy azyq-túlik qaýipsizdigin arttyrý jyly bolyp jarııalan­ǵanyn aıtty. Kezdesý barysynda taraptar TMD-nyń aldaǵy ýaqyttaǵy damý tujyrymdamasyn jáne TMD ekonomıkalyq damýynyń 2020 jylǵa deıingi kezeńge arnalǵan strategııasyn júzege asyrý máse­lelerin talqylady. Dostastyqtyń aldaǵy 20 jyl­dyǵyna baılanysty TMD-nyń mereıtoılyq sammıtin daı­yn­daý máseleleri qozǵaldy, dep habarlady Qazaqstan Respýblı­kasy Syrtqy ister mınıstr­liginiń baspasóz qyzmeti.