Siz ne deısiz?

Jumysshy mamandary qat Iri óndiris oshaqtary sho­ǵyrlanǵan Temirtaýdaǵy kásiporyndar jumys qoly­na asa zárý. Zeınetkerlikke shyǵýshylardyń ornyn to­lyq­tyrýshylar az. Jaqyn­da ótken bos oryndar jár­meńkesine 16 ǵana jumys izdeýshi keldi. Osy jaıǵa baılanysty «Egemen Qazaqstannyń» Qaraǵandy oblysyndaǵy tilshisi Aıqyn Nesipbaı «Qazaqmehmontaj 2» JShS kadrlar bóliminiń bastyǵy Elena Kalınovskıhke:  – Siz ne deısiz? – Iá, biz atalǵan jár­meń­kege úlken úmit artqan edik. Máselen, kásipornymyzǵa bú­gingi kúnde 80 montajshy, 40 elektrmen dánekerleýshi, 20 slesar qurastyrýshy kerek. Aldyn ala jarnamalar, ha­bar­landyrýlar arqyly qu­laq­tanǵan jurttyń ju­mys­syz júrgenderi eńbekke tar­tylýǵa tilek etip keler der oılaǵanbyz. О́kinishke qaraı, olaı bolmady. 6 adam ǵana óti­nish bildirip keldi. «Ar­naý­lyónerkásipqurylys», «Avan­gardqurylys», «Beton­qu­ry­lys» sııaqty» kásip­oryn­dar­dyń ókilderi tipten esh­kimdi qabyldaı almaı, bos qaıtty. Qaladaǵy qaı óndiriske de, qurylys uıymyna da ju­mysshylar tapshylyǵy máse­lesi qıyndyq keltirip otyr. Ásirese, jastar jaǵynyń jo­ǵaryda atalǵan kásipterdi meń­gerýge qushtarsyzdyǵy alańdatady. Shyndyǵyn aıt­qan­da, qaı-qaısysyna buǵan jol ashyq. 13 jáne 24 kásip­tik lıseılerde qalaýly ma­man­dyq boıynsha tegin oqýǵa bolady. Munyń ústine 12 myń 188 teńge shákirtaqy tó­le­nedi. Biraq soǵan qaramas­tan óndiriste eńbek etýge um­tylýshylar óte az. Sondyq­tan kóp rette aýyl jastary esebinen tartylyp keledi. Alaıda bulaı bola berse egin egetin, mal baǵatyndar azaıady. Osy jaıǵa baılanysty qa­lalyq mektepterde oqý­shy­larǵa kásiptik baǵdar berý tár­bıesin myqtap qolǵa alý kerektigi ýaqyt usynyp otyr­ǵan talap. Jumysshy mamandyǵy bedeli kóterilýi, ony qalaý­shy­larǵa qoldaý jasalýy qa­jet. Jalpy, bul baǵytta mem­lekettik deńgeıde tıisti baǵdarlama belgilense artyq ta bolmas edi. Qazirgi zaman talaptaryna saı bilikti, sheber jumysshylardy kóptep daıarlaý órkendeýli óndiriske qor kómek. Qaraǵandy oblysy.