Aral aýrýhanasyna qarjy kerek

Qazaqstan Respýblıkasy Prezıdentiniń jyl saıynǵy Qazaqstan halqyna Joldaýlarynda áleýmettik salada jumystardy jandandyrýǵa basty nazar aýdarylyp keledi. Onyń ishinde, densaýlyq saqtaý, bilim berý jáne mádenıet salalarynyń qyzmetin jetildirý men sapasyn jaqsartý búgingi kúnniń ózekti máselesi bolyp tabylady. Osy turǵyda Qyzylorda ob­lys­y­nyń Aral qalasyndaǵy aýdan­dyq ortalyq aýrýhanasyna qatysty osy bir sheshimin kútken máseleni kóldeneń tartsam dep edim. Atalǵan medısınalyq emdeý ortalyǵy – 80 myńnan astam jer­gi­likti halyqqa stasıonarlyq me­dısınalyq kómek kórsetetin jal­ǵyz aýrýhana. Al aýdandyq aýrýhana 1989 jyly tıptik jobamen salynǵan bolatyn. Qazirgi ábden tozyǵy jetip tur. Qazaqstan Respýblıkasy Ult­tyq ekonomıka mınıstrliginiń Qu­­ry­lys jáne turǵyn úı -kommý­nal­­dyq sharýashylyq isteri komı­tetiniń «Qazaq qurylys jáne sáý­let ǵylymı-zertteý jáne jobalaý ınstıtýty» AQ-tyń 2016 jyldyń 18 qazanynda alynǵan №297 qorytyndysyna sáıkes, ny­sannyń apattyq jaǵdaıda eke­ni naqtylanyp, qoldanystaǵy qu­rylysty qaıta jańǵyrtýǵa nemese odan ári paıdalanýǵa múmkindik bol­maýy sebepti nysan buzylýǵa ja­tady dep tanylǵan. Alaıda, basqa ǵımarattyń bol­maýyna baılanysty búginde aýrýhanany jaýyp, onyń jumysyn toqtatý múmkin bolmaı otyr. Qyzylorda oblysy ákimdigi tarapynan jańa aýrýhana qury­ly­synyń jobalyq-smetalyq qu­jat­tary ázirlenip, memlekettik saraptamasynyń oń qorytyndysy alynǵan. Qurylystyń jalpy smetalyq quny 4,5 mlrd teńgeni qu­raıdy. Bıýdjettik ótinim Qazaqstan Res­pýblıkasynyń Den­saý­lyq saq­taý jáne áleýmettik damý mı­nıstrligine joldanǵan. El bo­la­shaǵy, óskeleń urpaǵymyzdyń salamatty da deni saý urpaq bolýyn oılasaq, búginnen bastap osyndaı áleýmettik mańyzy bar obektiler salý máselelerin sheshýge kirisý qajet. Joǵaryda aıtylǵandardyń negizinde, elimizdiń Úkimeti «Aral óńi­ri­ndegi ekologııalyq qasiret sal­darynan zardap shekken azamat­tardy áleýmettik qor­ǵaý týraly» Zańǵa sáıkes, Qyzyl­orda ob­lysyndaǵy Aral aýdany aýma­ǵy­nyń ekologııalyq apat aımaǵyna jata­tyndyǵyn eskere kele, Aral qala­synda jańadan aýdandyq orta­lyq aýrýhana qurylysynyń aldaǵy jyly bastalýyna qajetti qarajatty qarastyrý arqyly oń yqpal etedi dep úmittenemin. Bekmyrza ELAMANOV, Senat depýtaty