Mádenıet jáne sport mınıstri Arystanbek Muhamedıuly elordada kásipqoı boksshy Janqosh Turarovpen kezdesip, Almatyda ótken boks keshindegi jeńisimen quttyqtap, mınıstrlik atynan arnaıy estelik syılyq tabys etti, dep habarlady QazAqparat.
«Almatyda ótken aıqasta ganalyq Aısak Arıemen ótkizgen jekpe-jegińde jankúıerlerińe keremet kóńil kúı syıladyń. Biz el mereıin asyryp júrgen sender sııaqty myqty sportshylarymyzben maqtanamyz», – dedi mınıstr.
Budan bólek, kezdesý barysynda Arystanbek Muhamedıuly: «Alda EKSPO kele jatyr. Osyǵan oraı Astanda bir kásipqoı boks keshin ótkizýdi josparlap otyrmyz. Osyǵan deıin, Gennadıı Golovkın, Qanat Islammen kezdesip, osy taqyrypta áńgime órbitken bolatynbyz. Búgin senimen de osy taqyrypta aqyldassaq degen oımen arnaıy shaqyrdyq», – dep atap ótti.
О́z kezeginde Janqosh Turarov mınıstrge alǵysyn aıtyp, eger bılik tarapynan qoldaý bolsa, boks keshin ótkizýge qýana kelisetinin jetkizdi.
«Eger, bılik tarapynan qoldaý bolyp jatsa, nege boks keshin ótkizbeske? EKSPO aldaǵy jyly elimizde ótetin eń iri sharalardyń biri. Elbasymyz da sportqa erekshe nazar aýdaryp otyr. Osy oraıda Astanada úlken boks keshi ótip jatsa, EKSPO-ǵa kelgen qonaqtar úshin de, jergilikti qala turǵyndary úshin de úlken qýanysh bolar edi», - dedi boksshy.
Aıta keteıik, Janqosh Turarov osyǵan deıin 20 jekpe-jek ótkizip, barlyǵynda jeńiske jetken. Onyń 14-in ýaqytynan buryn aıaqtaǵan.