Ońtústik Qazaqstan oblysynyń ákimi Janseıit Túımebaev Túrkııa Respýblıkasy Úkimeti janyndaǵy Túrik yntymaqtastyq jáne úılestirý agenttiginiń (odan ári - TIKA) Qazaqstandaǵy ókili Álı Ihsan Chaglarmen kezdesti, dep habarlaıdy OQO ákiminiń baspasóz qyzmeti.
Basqosýda taraptar baýyrlas qazaq-túrik qarym-qatynasyn odan ári jaqsartý jaıyn talqylap, aldaǵy kúnderi qolǵa alynatyn naqty josparly jumystarǵa kóshti.
Atap aıtqanda, taıaýda TIKA uıymynyń uıymdastyrýymen Ońtústik Qazaqstan oblysyndaǵy medısına mamandary arnaıy oqytý kýrsynan ótip, biliktiligin jetildirmek. Shymkentte osy jyldyń 2-5 jeltoqsan kúnderi ótetin tájirıbe almasý semınaryna 75 dáriger qatysyp, onda ana men bala densaýlyǵyn saqtaý, onyń ishinde, ana men bala ólimin azaıtý taqyrybynda dáris almaqshy. Al tájirıbe almasý kýrsynda belsendilik tanytqan dárigerler Túrkııaǵa jiberilip, ol mamandar elge kelgen soń ózge de áriptesteriniń bilimin shyńdaýǵa atsalysatyn bolady.
Kezdesý barysynda, aımaq basshysy óńirimizge arnaıy kelgen mártebeli meımanǵa alǵysyn bildirip, atalǵan joba aıasynda jan-jaqty qoldaý kórsetýge daıyn ekenin jetkizdi.
Qazaqstan Táýelsizdiginiń 25 jyldyq mereıtoıyna ortaqtasyp, qýanyshymen bólisýde osyndaı jumystardy uıymdastyrýdy kózdegen atalǵan uıymnyń Qazaqstandaǵy ókili Álı Ihsan Chaglar bul jobanyń buǵan deıin ózge de memleketterde uıymdastyrylyp, oń nátıje kórsetkenin aıtty.