«Jaýjúrek» dep atalatyn taǵam iri qara maldyń júreginen daıyndalady. «Ertede jaýǵa attanyp bara jatqan er azamattarǵa analarymyz osy asty ázirlep bergen, - deıdi Gúljan Shákimova. – Qunarly, toıymdy taǵam, ári uzaq saqtalady. Adamǵa kúsh-qaırat beredi. «Jaýjúrekti» jasaý úshin sıyrdyń nemese jylqynyń júregine túrli dámdeýishter qosylady».
Inder aýdanyndaǵy balalar shyǵarmashylyǵy ortalyǵynda eńbek etetin Gúljan Shákimova qazaqtyń ulttyq taǵamdarynyń san túrin dámdi daıyndaıdy. «О́kinishtisi, ulttyq as-aýqatymyzdyń keıbir túrleri umytylyp barady. Taza, tabıǵı ónimderden daıyndalatyn ulttyq taǵamdar aǵzada jaqsy qorytylady, densaýlyqqa paıdasy zor», - deıdi ol. Aspaz ózi daıyndaǵan «Jaýjúrek» «EKSPO-2017» kórmesine kelýshilerdiń kóńilderinen shyǵatynyna senimdi.
Baqytgúl BABASh,
«Egemen Qazaqstan»
ATYRAÝ