Onda taraptar eki el arasyndaǵy jolaýshylardy jáne avtomobılmen júk tasymaldaýdyń jaǵdaılary jóninde aqparat almasty. 2016 jyldyń sáıkes kezenimen salystyrǵanda bıylǵy jyldyń 4 aıynda júk tasymalynyń kólemi 36%-ǵa óskenin atap ótti.
Taraptar QR-nyń Almaty, Shyǵys Qazaqstan oblystarynyń jáne QHR Sınszıan-Uıǵyr Avtonomdy aımaǵynyń eldi-mekenderi arasynda júk tasymaldaý úshin eki jaqtyń tasymaldaýshylaryna múmkindik beretin toǵyz baǵytty anyqtap, kelisti.
Taraptar 2017-2018 jyldary jolaýshylardy jáne avtomobılmen júk tasymaldaý úshin ruqsat blankilerimen kvota almasýǵa kelisti. Sonymen qatar, «Astana - Úrimshi» jáne «Shymkent - Úrimshi» baǵyttary boıynsha 2018 jyldyń 1 qańtarynan bastap synaq retinde jolaýshylar avtobýsynyń reısterin iske qosý týraly ýaǵdalastyqqa qol jetkizdi. Kelissózderdiń qorytyndysy boıynsha tıisti Hattamaǵa qol qoıyldy.