О́ńir turǵyndary aýyldyq jerdegi elektr baǵanalarynyń eskirgenin, medısınalyq saqtandyrý júıesi, áıelder genderlik saıasatynyń máselelerin qaýzap, Názir Tórequlovtyń týylǵanyna 125 jyl tolýyn atap ótý, turǵyn úı kezegin jyljytý jóninde kómek surady. Aldyna kelgen ár turǵynnyń máselesin muqııat tyńdaǵan óńir basshysy tıisti oryndarǵa tapsyrmalar berdi.
Qoǵamdyq qabyldaýǵa kelgen Saıram aýdany Tespe eldimekeniniń turǵyny zeınetker Jamalbek Perneev aýyldaǵy elektr baǵanalarynyń eskirgenin aıtyp shaǵymdandy.
«Aýylymyzdaǵy elektr baǵanalary ábden tozyp, qulaýdyń aldynda tur. Bul máseleni kóterip, aýdan basshylyǵyna da shaǵym túsirgenbiz. Alaıda bul máseleniń oń sheshimi bolmaý tur»,- dedi zeınetker.
Oblys ákimi atalǵan máseleniń 2018 jyly ınvestısııalyq baǵdarlama aıasynda sheshiletinin aıtty.
«Saıram aýdany, Kólkent aýyldyq okrýgi, Tespe aýylynda ornatylǵan 6,254 shaqyrym elektr jelisi men transformator «Ońtústik Jaryq Tranzıt» JShS-niń teńgeriminde. 2016 jyly «Ońtústik Jaryq Tranzıt» JShS-gi ınvestısııalyq baǵdarlamasy esebinen jaramsyz 12 dana aǵash baǵanalary symdarymen aýystyrylǵan. Al bıyl qosymsha 1 dana qýaty 100 kVA bolatyn transformator ornatý josparda bar. 2018 jylǵy ınvestısııalyq baǵdarlamaǵa sáıkes turǵyndardy qamtamasyz etýdegi 100 kVA transformatordy 160 kVA transformatorǵa, tómengi kerneýli 0,4 kV-tyq elektr baǵanalary men qosa elektr jelisin tolyǵymen aýystyrý josparlanǵan», - dedi Janseıit Qanseıituly.
Munan soń ákim aldyna oblystyq áıelder keńesiniń tóraıymy Baıan Jandosova kirdi. Baıan Aıtbekqyzy óńirimizdegi áıelder qaýymynyń jáne otbasy qundylyqtaryn saqtaý tóńiregindegi qordalanǵan máselelerge toqtaldy.
Almaty qalasynyń turǵyny Názir Tórequlov halyqaralyq qaıyrymdylyq qorynyń prezıdenti Ábdijappar Saparbaev qoǵam qaıratkeri Názir Tórequlovtyń týylǵanyna 125 jyl tolýyn ońtústik jerinde atap ótýdi surandy.
Qazaqstandyq densaýlyq saqtaý qyzmetkerleriniń salalyq kásipodaǵynyń OQO fılıalynyń tóraıymy Aıanııazova Rıta aýyldyq jerlerdegi medısınalyq saqtandyrý júıesiniń oryndalý barysyn sóz etti.
Al Saıram balalar úıiniń túlegi Lýıza Salımjanqyzy 2013 jyldan úı kezegine tirkelgenin, alaıda baspanaǵa qol jetkize almaı otyrǵanyn jáne kúıeýiniń jumyssyz júrgenin aıtyp shaǵymdandy. Kezdesý barysynda ákim shaǵymdanýshyǵa jyl sońyna deıin páter beriletinin málimdep, jumyssyz júrgen otaǵasyn jaýapty azamattarǵa eńbekpen qamtamasyz etýdi tapsyrdy.