Qazaqstan Respýblıkasy Úkimetiniń 2016 jylǵy 29 jeltoqsandaǵy №905 qaýlysymen bekitilgen Úkimettiń zań jobalaý jumystarynyń 2017 jylǵa arnalǵan josparyna sáıkes «Qazaqstan Respýblıkasynyń keıbir zańnamalyq aktilerine esirtki, psıhotroptyq zattar, sol tektester men prekýrsorlardyń aınalymyn baqylaý máseleleri boıynsha ózgerister men tolyqtyrýlar engizý týraly» zańnyń jobasy ázirlendi.
Zań jobasy asa qaýipti, ıaǵnı sanany ýlaıtyn zattardyń 88 qurylymdyq túrin baqylaýǵa alýdy, sondaı-aq Úkimetke shaǵyn zań aktileri deńgeıinde baqylaýdaǵy zattardyń tizimin bekitý boıynsha ýákilettik berýdi kózdeıdi.
Zań jobasyn qabyldaý esirtki bıznesiniń jáne transulttyq uıymdasqan esirtki qylmysynyń jańa syn-qaterlerine qarsy is-qımyl jasaýda qabyldap jatqan sharalardy barabar jáne ýaqytyly qamtamasyz etý, sondaı-aq azamattardyń ómiri men densaýlyǵynyń ajyramas quqyqtaryn qorǵaý deńgeıin arttyrý úshin qoldanystaǵy esirtkige qarsy zańnamalyq júıeni jańǵyrtýǵa múmkindik beredi.
Zań jobasy qoldanystaǵy zańnamany qolda bar esirtkilerge qatysty, sonymen qatar, bolashaqta paıda bolýy múmkin qaýipti esirtki zattarǵa qatysty qoldaný salasyn keńeıtýge baǵyttalǵan. Zań jobasy múddeli memlekettik organdarmen kelisilgen, Qazaqstan Respýblıkasy Premer-Mınıstriniń Keńsesimen maquldanǵan. Qazirgi ýaqytta zań jobasy Qazaqstan Respýblıkasy Parlamenti Májilisine engizildi, dep habarlady IIM baspasóz qyzmeti.