Qostanaıda 9-shy jáne «Áýejaı» shaǵyn aýdandarynda kóp qabatty eki úı paıdalanýǵa berildi. Oblys ákimi Arhımed Muhambetov turǵyndy baspana qýanyshymen quttyqtap, olarǵa páter kiltin tabys etti.
«Elbasynyń tapsyrmasymen «Nurly jer» baǵdarlamasy júzege asyrylyp jatyr. Osy baǵdarlamasy aıasynda Qostanaıda turǵyn úı qurylysy qarqyndy júrip jatyr. Sońǵy jyldary oblys ortalyǵynda «Áýejaı», «Iýbıleınyı», «Bereke» sekildi birneshe shaǵyn turǵyn aýdandar ósip shyqty» dedi Arhımed Begejanuly.
Oblys ákiminiń qolynan osy joly 120 otbasy páter kiltin aldy. Bıyl oblys boıynsha 220 myń sharshy metr turǵyn úı berilýi qajet eldi, ony oblys on aıda oryndap úlgerdi. Sońǵy jyldary «Jıllstroısberbank» banki salymshylarynyń sany 30 paıyzǵa artty.
Názıra Járimbet
«Egemen Qazaqstan»
Qostanaı