Áýlıeler mekeni sanalatyn Mańǵystaý óńiriniń búgingi tirlik tynysy kimdi de bolsa súısintedi. Munyń bári Elbasy Nursultan Nazarbaevtyń salıqaly saıasatynyń jemisi dep bilemin.
Buryn kóp jaǵdaıda eldiń ekonomıkasy áńgime bolatyn edi. Qazir ekonomıkamyz túzelip, halyqtyń ál-aýqaty artty. Endigi jerde rýhanı damýǵa bet bura bastadyq. Oǵan Prezıdenttiń «Bolashaqqa baǵdar: rýhanı jańǵyrý» maqalasy qýat berip otyr.
Maqalanyń árbir taraýynda aıtylatyn halyqtyq is qaı jaǵynan da jurt kóńilinen shyǵýda. Ásirese rýhanı sanany jańǵyrtý jónindegi ıdeıalary jastardy serpiltetini sózsiz. Onyń ishinde týǵan jerge degen ár azamattyń súıispenshiligi qalaı bolý kerek degen másele de jan-jaqty qozǵalǵan. «Týǵan jer – árkimniń shyr etip jerge túsken, baýyrynda eńbektep, qaz basqan qasıetti mekeni, talaı jannyń ómir baqı turatyn ólkesi. Ony qaıda júrse de júreginiń túbinde áldılep ótpeıtin jan balasy bolmaıdy» degen Memleket basshysynyń sózi bárimizdiń rýhymyzdy oıatty.
Mańǵystaý ólkesiniń barlyq ósip-órkendeýi meniń kóz aldymnan ótip keledi. Buǵan birer mysal keltire ketsem artyq bola qoımas. Ústimizdegi jyldyń toǵyz aıynyń ishinde kásiporyndar 1626,2 mlrd teńgeniń ónimin óndiripti. Munaı-gaz sektory damyp, qurylys ındýstrııasy artyp, agrarlyq sala irgeli damyp, týrızmge de keń jol ashyldy. Aıtalyq tabıǵı gaz óndirý 11,5 paıyzǵa kóbeıip otyr. «Nurly jol» jáne «Nurly jer» memlekettik baǵdarlamasy aıasynda da tyń ister atqarylyp, 665 myń sharshy metr turǵyn úı paıdalanýǵa berildi. Jańa jumys oryndary ashylyp jatyr. Osyndaı tyń serpiliske oblysymyzǵa kelgen jigerli ákim Eraly Toǵjanov uıymdastyrý jaǵynan utqyrlyǵymen ózindik úlesin qosyp otyrǵanyn aıtqym keledi.
Qazynaly túbektiń jurtshylyǵy rýhanı salada da tyń qadamdarǵa jol salýmen keledi. N.Jantórın atyndaǵy oblystyq mýzykalyq drama teatr jańa qoıylymdar qoıyp kórermenderin tánti etýde. Oǵan qosa jazýymyzdy latyn grafıkasyna oraltý jónindegi eldik iske de óz úlesimizdi qosýdamyz. Bul uly Ahmet Baıtursynulynyń qazaq álipbıin qaıtadan jańǵyrtý dep bilemin. Endigi jerde burynǵy ketken qatelikterdi joıyp qazaq sózi burmalanbaı tańbalanyp, keıingi urpaqqa jetse nur ústine nur bolary anyq. Eń bastysy aty-jónimizdi durys jazý sheshimin tabady dep senemin. Bul memlekettik mártebege ıe qazaq tiliniń de abyroıyn asyryp, bedelin kótereri sózsiz.
Oblystyq «Qazaq tili» qoǵamdyq birlestigi jaqynda Nursultan Nazarbaevtyń «Máńgilik el» ıdeıasy men «100 naqty qadam» – Ult jospary, alda aıtqan maqalasyn keń aýqymda taldap, ony júzege asyrý boıynsha jıyndar, shyǵarmashylyq konkýrstar ótkizip, jastardyń memlekettik tildi qoldanýyna jaǵdaı jasaý jaıyn únemi kún tártibinde ustap keledi.
Men bul oılarymdy Tuńǵysh Prezıdent kúnine qaraı jazyp otyrmyn. О́ıtkeni Nursultan Ábishulymen Astanada da, qazynaly túbekte de júzdesip oı bólistim. Ol kisiniń boıyndaǵy kemeńgerlik, alysty boljap, keleshekti baǵdarlaıtyn alǵyrlyǵyna da tántimin. Ásirese ana tilimizdiń qunaryn buzbaı, árin ketirmeı, uly babalarymyzdyń ataly sózimen ushtastyryp otyratyn qasıeti kimge de bolsa úlgi.
Qalam ustap el men jer tarıhyn, abzal jandardyń eleýli isin úlkendi kishili shyǵarmalaryma arqaý etken qalamger bolsam da Elbasymen dıdarlasqanda ol kisiniń aıtqan sózderindegi ádemi teńeýleri qyzyqtyrmaı qoımaıdy. El ishinde júrgendikten jaqsymyzdy jurtqa jetkizýge, azamattarymyzdyń yntymaq tirligin aıtyp otyrýdy ózime paryz sanaımyn. Tuńǵysh Prezıdent kúnine oraı bul oıymdy es bilgeli oqyp kele jatqan el gazeti arqyly da jurtshylyqqa jetkizýge nıet ettim.
Bektur TО́LEÝǴALIEV,
Qazaqstan Jazýshylar odaǵynyń múshesi,
Mańǵystaý oblysynyń qurmetti azamaty