2018 jyldyń 16 qańtarynda bastalǵan Qazaqstan Respýblıkasynyń Prezıdenti Nursultan Nazarbaevtyń Amerıka Qurama Shtattaryna resmı saparyn sátti dep aıtýǵa bolady. Qazaqstan men Amerıka prezıdentteriniń jeke kezdesýi eki el arasyndaǵy ózara qarym-qatynas tarıhynyń jańa paraǵyn ashyp, birqatar naqty nátıjelerge qol jetkizildi, dep habarlaıdy QR Tuńǵysh Prezıdenti - Elbasy Qory janyndaǵy Álemdik ekonomıka jáne saıasat ınstıtýty (ÁESI).
Birinshiden, keńeıtilgen strategııalyq seriktestikti ornatý týraly ortaq saıası sheshimder qabyldandy. Bul bıylǵy jyly 26 jyl tolatyn eki el arasyndaǵy jemisti seriktestik odan ári tereńdeı túsetinin bildiredi.
Astana úshin Vashıngton syrtqy saıasattaǵy negizgi seriktes ári ekonomıkadaǵy mańyzdy ınvestor bolyp tabylady. О́z kezeginde, Donald Tramp atap ótkendeı, Amerıka qýatty, derbes jáne táýelsiz Qazaqstandy AQShtyń Orta Azııadaǵy senimdi dosy ári strategııalyq seriktesi retinde qarastyrady.
Bul jerde ekonomıkalyq máseleni de atap ótý qajet. Kelissóz qorytyndysy boıynsha ótken brıfıng barysynda Memleket basshysy jalpy somasy $7,5 mlrd asatyn 20 kelisimshartqa qol qoıý kózdelgenin atap ótti. Astana AQShpen joǵary tehnologııalar men ınnovasııalyq óndirister transferti boıynsha baılanysty damytýǵa muqtaj ekeni jasyryn emes. Bul turǵydan alǵanda, jańa kelisimder Qazaqstanǵa ekonomıkadaǵy «sıfrlandyrý» máselesin júzege asyrýǵa múmkindik beredi dep senimmen aıtýǵa bolady.
Ekinshiden, D. Tramp pen N. Nazarbaev AQSh pen Qazaqstannyń halyqaralyq jáne aımaqtyq qaýipsizdikti kúsheıtý boıynsha ortaqtasa áreket etetindikterin rastady.
Bul Qazaqstan men AQSh kúshterin Aýǵanstan boıynsha biriktirýdi bildiredi. Sonymen birge, Qazaqstan antıterrorızmmen kúrestegi AQShtyń tabandylyǵyn qoldaıtynyn málimdedi. Eki el basshylary soltústik Koreıadaǵy ıadrolyq másele boıynsha ortaqtas ajumys isteıtindikterin de atap ótti.
Úshinshiden, Qazaqstan men AQSh «S5+1» aımaqtyq dıalog alańy aıasyndaǵy seriktestik damytý týraly kelisimge keldi. Bul turǵydan alǵanda atalmysh alań jumysynan jańa bastamalar kútýge bolady.
Jańa ákimshilik óz jumysyn bastap, D. Tramptyń «Aldymen Amerıka» degen uran tastaǵasyn Ortalyq Azııada Vashıngtonnyń aımaqqa degen qyzyǵýshylyǵynyń tómendeýi týraly kóp aıtyldy.
Alaıda, N. Nazarbaevtyń sapary men onyń D. Tramppen kezdesýi aımaqtyń Vashıngton úshin joǵary deńgeıde turǵanyn kórýge bolady.