Elbasynyń bıylǵy Joldaýy memleketimizdiń jańa damýynyń baǵyty men baǵdaryn kórsetip otyr. «Táýelsizdik dáýiri» atty keń tynysty eńbeginde jazylǵandaı, shırek ǵasyr bizdi shyńdady, álemdik syn-qaterlerge tótep berýge úıretti, Qazaqstannyń aty men zatyn dúnıe júzine tanytýǵa múmkindik berdi. Al rýhanı jańǵyrý tynysymyzdy ashty.
Elbasy Joldaýlary eldiń júreginen – Astanadan joldanady. Sondyqtan osyǵan deıingi jáne osy jolǵy Joldaýda da elorda qundylyǵy sóz etildi. Biz, joǵary mekteptiń ókili jáne elordanyń halyq qalaýlysy retinde Tórtinshi ónerkásiptik revolıýsııa jaǵdaıyndaǵy damýdyń jańa múmkindikterine baılanysty Elbasy Joldaýyn zor shynaıy sezimmen qabyldadyq. Baǵdarlamalyq mańyzy tereń, tujyrymdamasy anyq bul Joldaý nátıjeli jumystarǵa bastaıtynyna senimdimiz.
Prezıdent álemdik syn-qaterlerge tótep beretin damý men jańarýdy kún tártibine qoıýy – bárimizge eleýli mindet júkteıdi.
Memleket basshysy joldaýlarynyń bárinde derlik bilim-ǵylym júıesi árdaıym eskeriledi. Búginde ǵylym men bilim – damýdyń alǵysharty ǵana emes, qozǵaýshy kúshi de. Taıaýda ǵana memleketimizdiń abyroıyn asqaqtatqan EKSPO-2017 Astanadaǵy Nazarbaev ýnıversıtetiniń, Eýrazııa ulttyq ýnıversıtetiniń, О́ner ýnıversıtetiniń, Agrotehıkalyq ýnıversıtettiń, Medısına akademııasynyń, basqa da joǵary oqý oryndarynyń ǵylymǵa, mádenıetke degen talpynysyn eseleı tústi.
Bilim men rýhanı jańǵyrýǵa baılanysty osyǵan deıingi izdenisterimizdi Elbasy nusqaǵan damýdyń jańa múmkindikteri sapalandyra túsedi dep sanaımyz.
Joldaýda adam kapıtalyna baılanysty jańa usynystar aıtylyp, tyń baǵyttar kórsetildi. Sonyń ishinde pedagogıka salasy men mamandyqtaryn sapalandyrýǵa baılanysty tujyrymdar, bilim mazmunyn zamana talabyna saı qurýǵa qatysty oılar, jaratylystaný ǵylymdary men aqparattyq tehnologııalardy ozyq júıe aıasynda damytýǵa qatysty baıyptamalar sala mamandarynyń kókeıinen shyǵyp otyr.
Elbasynyń «bilim berý salasyn ekonomıkanyń jeke salasy retinde damytý kerek» degen oıy da jańashyl ári ózekti. Sondaı-aq ýnıversıtet ǵylymyna, jas ǵalymdardy qoldaýǵa qatysty mańyzdy tujyrymdar zor múmkindik týǵyzady dep senemiz.
Joldaýda «jastardy jańa tehnologııalyq qalypqa daıyndaý» tezısi erekshe aıtyldy. Sondaı-aq balalar tehnoparki men bıznes-ınkýbatoryn qalyptastyrýǵa baılanysty Elbasy bastamasy elordadan óńirlerge deıingi bilim júıesine jaqsy yqpal etedi degen pikirdemiz.
Barlyq salada, ásirese bilim salasynda otanshyldyq, básekege qabiletti bilim, tájirıbe qaı qıyndyqtan bolsyn alyp shyǵady. Joldaýdaǵy memleket tili bastaǵan úsh tildi tereń meńgerý jaıy, orta mekteptiń bilim mazmuny, kásiptik bilimniń áleýeti, sıfrly bilik, oqý júıesin sapalandyrýǵa jeke kapıtaldy tartý jáne basqa da eleýli tujyrymdar salanyń jańa jaǵdaıdaǵy damýyna keń jol ashady dep oılaımyz. Elbasy elge senedi, el birtutas halqymyz memleket basshynyń batyl da salıqaly bastamalaryn qoldaıdy. Joldaýdyń mańyzy da osynda.
Erlan SYDYQOV, L.N.Gýmılev atyndaǵy Eýrazııa ulttyq ýnıversıtetiniń rektory, QR UǴA akademıgi