2018 jyly О́skemende 30 aýlaǵa abattandyrý jumystary júrgiziledi.
«Meniń aýlam» baǵdarlamasy aıasynda atqarylatyn bul jumystar asfalt tóseý, jaryqtandyrý, kólik turaqtary men balalardyń oıyn alańyn retteý, jaıaý júrginshiler jolyn jóndeý jáne kógaldandyrýdy qamtıdy. Sondaı-aq jýylǵan kirdi iletin alańqaılar men aýla alańdaryna qorshaýlar ornatylyp, qoqys jınaýǵa arnalǵan konteınerler alańy jasalady.
Aıta ketetin jáıt, qala turǵyndary ózderi turatyn aýlaǵa qajetti abattandyrý jumystaryn ózderi anyqtaıdy. Osyǵan oraı aýlalardy irikteý tártibi men basymdyǵyn anyqtaý úshin arnaıy jumys toby qurylǵan. О́z kezeginde oblys ákimi Danıal Ahmetov bul máseleni asyqpaı sheshýdi jón kórdi.
«Bul jumystardy jalǵan básekelestikke aınaldyryp, asyǵys sheshim qabyldaýdyń qajeti joq. Bul adamdardyń ómir súrý sapasyna áser etetin jumys. Men naqty mindet qoıyp otyrmyn. Eń bastysy bólingen aqshany ıgerip, joǵary sapaly jóndeý jumystaryn júrgizý qajet», - dedi aımaq basshysy.
Oblys ákiminiń baspasóz qyzmetiniń taratqan málimetterine súıensek, qazirgi ýaqytta qalanyń barlyq shaǵyn aýdandarynan «Meniń aýlam» jobasyna qatysý úshin 90 ótinish túsken, onyń ishinde 30 aýlany aǵymdaǵy jyly qamtý josparlanyp otyr. О́tken jyldyń tájirıbesi kórsetkendeı, bir aýlany kúrdeli jóndeý úshin 1,5 aı ýaqyt kerek.
Aıta keteıik, oblys ortalyǵynda 946 aýla bar, onyń 311-i kúrdeli jóndeýge muqtaj.
Azamat QASYM,
«Egemen Qazaqstan»