Elimizdiń eki oblysynda kóktaıǵaqqa baılanysty tas jol jabyldy, dep habarlaıdy TJ komıteti.
BQO TJ departamentinen habarlaǵanyndaı, kóktaıǵaqqa baılanysty Oral-Atyraý tas joly jabyldy. Búgin saǵat 02.00-den bastap osyndaı sheshim qabyldandy. Atalmysh baǵytta jol qozǵalysynyń qashan ashylatyny ázirge belgisiz.
Aıta keteıik, óńirde sońǵy kúnderi aýa raıynyń buzylýyna baılanysty birneshe ret eskertý jarııalandy.
«Qazgıdromet» RMK BQO fılıalynyń málimetine qaraǵanda, 22 naýryzda kúnniń jylynýyna baılanysty qar erip, sý deńgeıi kóterilip, jaıylmalarǵa shyǵý qaýpi bar.
Sondaı-aq, Aqtóbe oblysynda aýa raıynyń qolaısyzdyǵyna (jaýyn, kóktaıǵaq) baılanysty oblystyq mańyzy bar «Samara-Shymkent» (773-965 km, Belogorka kenti-Qarabutaq kenti), «Samara-Shymkent» (723-526 km, Aqtóbe qalasy-BQO shekarasy), «Aqtóbe-Orsk» (39-135 km, Shámshi Qaldaıaqov kenti - RF shekarasy), «Aqtóbe-Orenbýrg» (24-99 km, Hlebodarovka kenti- RF shekarasy), «Aqtóbe-Astrahan» (11-92 km, Aqtóbe- Qandyaǵash qalasy), «Soltústik aınalma» (0-39 km, Aqtóbe qalasynyń aınalma joly) barlyq kólik túrleri úshin qozǵalys shekteldi.