Lısakov qalasynyń ortalyǵynda 15 metrlik Báıterek ornatyldy. Onyń qurylymyn jasap shyǵarýǵa mamandar bes aı ýaqyt jumsady. Kishi «Báıterekti» daıyndaýǵa jergilikti «SpesStalKonstrýksııa» jáne «EksklıýzıvStroı» kásiporyndary demeýshilik jasap, ári ózderi monýmentti jasap shyǵardy.
«Qala ákimi Almat Ysmaǵulov kásipkerlerge «Rýhanı jańǵyrý» baǵdarlamasy aıasynda jáne Astananyń 20 jyldyǵy qurmetine osy jobany jasaýdy usyndy. Kishi «Báıterekti» jasaýǵa qaladaǵy ózge kásiporyndar da qol ushyn sozdy. Ony aınaldyrǵan eki kúnniń ishinde qurastyryp, Naýryz meıramynda qalalyqtarǵa tartý etti» deıdi Lısakov qalasy ákiminiń baspasóz hatshysy Maksım Sýshko.
«Báıterek» buryn qalanyń jarnamalar ilinip turatyn alańdy jandandyra tústi, jańa túr berdi. On bes metrlik monýment qalanyń barlyq shalǵaıynan kórinip, asqaqtap turady. Oǵan mamandar túrli-tústi sham ótkizgendikten, ol qas qaraıǵanda túrlenip, qubylyp sala beredi.
Názıra Járimbet,
«Egemen Qazaqstan»