Eýrazııa Medıa Forýmynyń bas dırektory Rýslan Jemkovtyń habarlaýynsha XV medıa forýmynyń akkredıtasııasy 18 mamyrǵa deıin jalǵasady. Demek, forýmǵa qatysýshylar endi úsh kún ishinde tirkele alady.
Aıta ketý kerek, táýelsiz dıalog alańy atanyp ketken forým 8 jyldan keıin elimizdiń ońtústik astanasy Almatyǵa qaıta oralyp otyr. Is-shara 22-24 mamyr aralyǵynda The Ritz-Carlton otelinde ótedi.
Qazirgi tańda saıası ǵylymdarynyń doktory Darıǵa Nursultanqyzy Nazarbaeva basqaratyn Uıymdastyrý komıteti joba seriktesteri jáne spıkerlerimen kelissózderdi támamdap, baǵdarlamany taldap, qatysýshylardy tirkeýmen aınalysýda. Jýyrda ǵana «House of cards» (Kartochnyı domık) saıası trılleriniń avtory Maıkl Dobbs, «VICE News Tonight» kabeldik jáne spýtnıktik telejúıesiniń sheteldik jańalyqtar bóliminiń basshysy Norın Djamıl, reseılik qoǵam qaıratkerleri Ksenııa Sobchak pen Maksım Shevchenko qatysatyndyǵyn rastady.
Sonymen qatar taǵy da bıylǵy forýmnyń qatysýshylary qatarynda – VVS telearnasynyń jańalyqtar bóliminiń redaktory Gevın Hıýıtt; prodıýser, rejısser, «Oskar–2016» nomınanty («Zıma v ogne» derekti fılm) Evgenıı Afıneevskıı; amerıkalyq polıttehnolog, Barak Obama prezıdenttigi kampanııasynyń ekeýinde de keńesshi bolǵan Rodjer Fısk; CNN telearnasynyń halyqaralyq jańalyqar bóliminiń redaktory Raıan Smıt; Fransııanyń burynǵy Kólik mınıstri, Ulttyq assambleıa depýtaty Terrı Marıanı; Nobel syılyǵynyń laýreaty Mohan Mýnasınge; reseı jýrnalısti, prodıýser ári telejúrgizýshi Sofıko Shevardnadze; Jasyl tehnologııalar men ınvestısııalyq jobalar halyqaralyq ortalyǵynyń Tóraǵa orynbasary, balamaly energetıka boıynsha 2 sammıt uıymdastyrýshysy Arman Qashqynbekov jáne t.b. bar.
Bıylǵy Forým taqyryby «Evolıýsııanyń 15 jyly: álem qalaı ózgeredi jáne bizdi qalaı ózgertedi». Forým aıasynda qazirgi BAQ ahýaly men bolashaǵy týraly, jahandyq áleýmettik-ekonomıkalyq jáne ekologııalyq máseleler talqylanady.
Ortalyq Azııadaǵy táýelsiz dıalog alańy retindegi Eýrazııa Medıa Forýmynyń basty mıssııasy - sarapshylar, saıasatkerler, ekonomıster, qoǵamdyq pikir ıeleriniń qatysýymen Qazaqstannyń, Eýrazııanyń, tipti búkil álemdik qaýymdastyqtyń ekonomıkalyq, geosaıası, áleýmettik mádenı máselelerin talqylaý.
Forým óz tarıhynda 6000 asa sheteldik qatysýshylardy, olardyń qatarynda tanymal jýrnalıster, belgili saıasatkerler, myqty ekonomıster, nobel syılyǵynyń laýreattary, qoǵam qaıratkerleri, ǵalymdar men kásipkerlerdi Qazaqstanǵa jınady.
Bul rette, forým uıymdastyrýshylary Qazaqstannyń álem aldyndaǵy bedeliniń kún sanap artyp kele jatqandyǵyn, forýmnyń munda tıimdi ári zamanaýı qural retinde rólin atap ótpekshi. Forým óziniń belsendi jumysynyń arqasynda búginde dúnıe júzi boıynsha bedeldi medıa alań atanǵan. Onyń dáleli retinde 1500 aıtýly BAQ: Euronews, CNN, BBC, Associated Press Television News, Reuters, Bloomberg, New York Times, Al Jazeera English, ITAR-TASS, RIA «Novostı», RBK, Russia Today, Pervyı kanal, IA «Djıhan» jáne t.b. qatysqandyǵy bola alady.
Bıylǵy forým taqyryptary: «Halyqaralyq qarym-qatynastaǵy evolıýsııa», «Eýropalyq odaq evolıýsııasy», «Qorshaǵan orta evolıýsııasy», «Aqparattyq tehnologııalar: naqty derek pen feık jańalyqtar», «Blogsferanyń kúsheıýi: progress pe, álde qaýip pe?» jáne taǵy basqa.
Is-sharanyń bas seriktesi «Samuryq-Qazyna» ulttyq ál-aýqat qory» Aksıonerlik Qoǵamy.
XV Eýrazııalyq Medıa Forýmǵa tirkelý 18-mamyrǵa deıin jalǵasady. Tirkeý úshin http://eamedia.org/ru/ siltemesine ótýge bolady. Oryn sanaýly.