Otandyq ónertapqyshtar óz jobalaryn usyndy

Qabyldaýǵa jazylǵan­dar qatarynda Almaty qalasyn­daǵy «Ashyq álem» damýynda aýytqýshylyq bar balalar men jasóspi­rimderge qoldaý kórsetý qaıyrymdylyq qo­­rynyń jetekshisi Álııa­ Ar­harova da boldy. Ol erekshe oqytýdy qajet etetin balalardyń ata-ana­lary aıtqan usynys­tar men ıdeıalardyń ne­gi­zinde osy saladaǵy nor­ma­­tıvti-quqyqtyq bazany­ jaq­sartatyn naqty mehanızmdi daıyndaǵan. Sol bastama­sy­na partııa tarapynan­ qol­daý surap kelgen qoǵam belsendisi bul joba júzege asyrylsa, múmkindigi shek­­teýli balalardyń tolyq­qan­dy bilim alýyna jol ashylatynyna nazar aýdardy.

Á.Arharovanyń aıtýynsha, Qazaq­standa atalǵan oqytýdyń naqty talap­tary men qaǵıdalary áli de bol­sa jetildirýdi qajet etedi. Osy máse­lelerge nazar aýdarǵan ol kóptegen mek­tepterde múm­kindigi shekteýli jan­darǵa arnalǵan joǵary qa­bat­tarǵa kóteriletin arnaıy satynyń joq ekenin, joǵary oqý oryndaryndaǵy jumystardy da júıeleý ke­rektigin aıtty. Osy baǵyt­taǵy pedagogtardyń bilik­tiligin arttyryp, jal­aqy­sy­na qosymsha ústemaqy tó­leý máselesin kóterdi. Ba­la­baqshalardaǵy jumysty jandandyrýdyń mańyzy zor ekenin de nazardan tys­ qaldyrmady. «Keıbir múm­kindigi shekteýli balalar mektep jasyna kelip arnaıy bilim ordalaryna barǵanda kóptegen kedergilerge tap bolady. Sebebi olardy balabaqshada ondaı jaǵdaıǵa eshkim beıimdemeıdi», dedi qoǵam belsendisi.

Osy oraıda M.Áshimbaev múm­kindigi shekteýli jan­dar­ǵa qoldaý kórsetý maqsa­tyn­da arnaıy «Keder­gisiz keleshek» partııalyq jobasy jumys isteıtinin jet­kizdi. Sondaı-aq ol aldaǵy ýaqyt­ta partııa tıisti memlekettik organdarmen birlesip arnaıy otyrys ótkizetinin, onda ınklıýzıvti bilim berý máselesi jan-jaqty talqy­lanatynyn atap ótti.

Qabyldaýda bolǵan Ult­tyq delfıı komıtetiniń dırektory Quralaı Túspe­ko­va elimizde Delfıı jáne Paradelfıı qozǵalys­ta­ryn damytý úshin Din is­teri jáne azamattyq qo­ǵam mınıstrliginen qol­daý kórsetilse degen oıyn aıtyp, osy jumysqa par­tııa­nyń kómektesýin surady. Sońǵy jyldary Din isteri jáne azamattyq qoǵam mı­nıstrligi tarapynan kórse­ti­lip kelgen qarjylaı qoldaý ótken jyly toqtap qalǵan kórinedi. Jaqynda ǵana atalǵan vedomstvo men partııa arasynda ózara is-qımyl jónindegi Jol kartasy bekitilgenine nazar aýdarǵan M.Áshimbaev sol qujattyń aıasynda osy máseleni qaıta qaraýdy usynatynyn aıtty.

Qabyldaýǵa kelgen asta­na­lyq muǵalimder Kúlshat Iаhına men Sáýle Saıtıeva ustaz­dar qaýymynyń tur­ǵyn úı máselesin jaq­sartýǵa qatysty usynystaryn aıtty. Atap aıtqanda, ustazdar ıpo­tekalyq nesıe rásimdeý úshin zeınetaqy qoryn­daǵy jı­naq­­tyń belgili bir bóli­gin al­ǵash­qy jar­na re­tinde paıda­lanýdy usyn­dy. Máýlen Áshimbaev partııanyń bul má­se­leni osyǵan jaýapty mem­­­­le­ket­tik organdarmen bir­­le­sip talqylaıtynyn jetkizdi.

Al ónertapqysh Qaı­rat Nurly­bekov partııa­dan óz jumystaryna aqparat­tyq qoldaý kórsetýdi su­rap keldi. Ol aıaq kıim kepti­rip jáne tazalaıtyn ınno­va­sııa­lyq qondyrǵy oılap tapqan. Qaırattyń aıtýynsha, mektepterdegi aıaq kıim aýystyrýdyń jáne me­dı­sınalyq meke­me­lerdegi bahılanyń ornyna osy qon­dyr­ǵyny qol­danýǵa bolady eken. О́ner­tapqyshtyń sózine qara­ǵanda, bul qondyrǵy qazirdiń ózinde Astana qala­syndaǵy birqatar aýrý­hana men emhanalarǵa orna­tyl­ǵan. Is-sharada partııa tarapynan jańa qondyrǵynyń qoldanys aıasyn keńeıtýge qa­tysty tıisti qoldaý kór­setiletini aıtyldy.

Nazarbaev ýnıversıteti­niń stýdenti Mırat Jekeev qa­byldaýǵa óziniń avtorlyq jobasymen keldi. Jaıaý jo­laýshylardyń joldaǵy qaýip­­sizdigin qamtamasyz etýge baǵyt­talǵan jumys EKSPO-2017 kórmesinde Shveı­sarııa delegasııa­sy uıymdastyrǵan ınno­va­sııalyq ıdeıalar baı­qaýyn­da 1-oryn alǵan. Jo­ba­nyń negizgi maqsaty – ási­re­se túngi mezgilde jaıaý jolaýshylardyń qaýip­siz­di­gin qamtamasyz etip, jol-kólik oqıǵalaryn azaıtý. Atalǵan júıe tolyq avtonomdy rejimde jumys is­teıdi. Arnaıy sensorlar arqyly adamnyń arnaıy jolaqqa jaqyndaǵanyn avtomatty túrde anyqtalyp, kólik júrgizýshilerine aldyn ala belgi beriledi. О́z kezeginde bul kólik tiz­gindegen jandardyń jyl­damdyqty azaıtyp, jaıaý jolaýshynyń joldyń arǵy betine qaýipsiz ótýine jaǵdaı týǵyzady. «Nur Otan» partııasy Tóraǵasynyń birinshi orynbasary bul bastamaǵa qyzyǵýshylyq tanytyp, «SmartAstana» jobasy aıasynda júzege asyrýdyń jol­daryn qarastyrý úshin partııanyń Astana qalalyq fılıalyna naqty tapsyrma berdi.

Partııanyń qoǵamdyq qabyldaýy­na habarlasyp,­ óz ótinishin bildirgen ke­le­si ónertapqyshtyń jasy nebári 14-te. Soǵan qara­mas­tan qaraǵan­dylyq Al­dııar Bojbanov birqatar jo­balardyń avtory atanyp úlgergen. Búginde 10-synypta oqıtyn Aldııar­dyń jobalary da óte ózek­ti ári asa mańyzdy. My­sa­ly,­ ol oılap tapqan sýdan energııa óndiretin ta­bı­ǵı taza qondyrǵy jabyq tehnologııalyq sıklde ju­mys isteıdi. Al kez kelgen gadjetke arnalǵan ám­be­bap qýattaý qurylǵysy esh­qandaı elektr energııasyn qajet etpeıdi. Tipti jel, kún, sý energııasy da kerek emes. Iаǵnı qurylǵy qolmen qysqan kezde adamnyń meha­nıkalyq energııasynan qýat alady. Bul eki joba qa­zirdiń ózinde júzege asy­ryl­ǵan. Odan bólek, jas óner­tapqysh ushatyn jel-kún elektr stan­sasy men qoqys qaldyq­ta­rynan elektr, gaz, sýtek jáne ottegi óndiretin arnaıy qondyrǵynyń jobasyn tanystyrdy.

– Qazirgi tańda kez kel­gen mem­lekettiń bolasha­ǵy shıkizatpen emes, aqpa­rat­tyq tehnologııalar men IT-jobalarda, ǵylym men bi­limde ekenin eskersek, mun­daı bastamalardyń be­­re­ri mol. Aldaǵy ýaqyt­­ta ótinishter men usynys­tardyń barlyǵy nazarǵa alynyp, tıisti deńgeıde par­tııalyq qoldaý kórsetiledi. Sebe­bi partııa árdaıym elmen etene jumys istep, halyq­ty alań­datqan másele­ler­diń oń­taıly sheshilýine tikeleı múd­deli. Sondyqtan biz ómi­rimizdi jaqsartýǵa baǵyt­talǵan túrli ıdeıalar­dy talqy­lap, halyqqa qol­je­tim­di, ashyq jumys isteý­ge qashanda daıynbyz, – dedi Máýlen Áshimbaev.

Joldybaı BAZAR,

«Egemen Qazaqstan»