Oblys ortalyǵyndaǵy Dostyq úıinde ótken bul shara «Bes áleýmettik bastama – qoǵamnyń áleýmettik birliginiń tuǵyry» dep ataldy.
Etno-mádenı birlestikter, zııaly qaýym ókilderi jáne stýdent jastar qatystqan jıynda oblys ákimi Bolat Baqaýov baıandama jasady. Elbasy usynǵan 5 áleýmettik bastamanyń óńirde qalaı júzege asyrylatyny jaıly jańa josparlarymen bólisti. Bul kúnderi óńirinde 80-nen astam ult ókilderi ómir súrip, eńbek etýde. Jalpy óńirde 27 etno-mádenı birlestik, aýdan-qalalarda 112- ortalyq qurylǵan.
Jıynda sóz sóılegen «Qazaqstan Alıýmınıı zaýyty» AQ-ta jumysshysy Qaırat Sársenov óndiris ornynda 15-ten astam ult ókilderi eńbek etip jatqanyn aıtyp ótti.
- О́tken jyly zaýyttyń 80 jumysshy-qyzmetkerleri páter aldy.Bıyl da Elbasy bastamasyn qoldap, 120 páter berilmekshi. Ekinshi bastama boıynsha 4 767 000 teńge mólsherinde ardagerlerge,zeınetkerlerge, kóp balaly otbasylarǵa jáne múgedek balalary bar otbasylarǵa kómek kórsetildi. Bıyl qaıyrymdylyq sharaǵa 2 872000 teńge jumsaldy, - deıdi Qaırat Sársenov.
Sessııa sońynda oblystyq jergilikti Assambleıasy tóraǵasynyń qoǵamdyq orynbasary laýazymyna Olga Nıkolashınanyń kandıdatýrasy usynyldy. Qazaqstandyq patrıotızmdi damytýǵa qosqan eńbegi úshin Danbaı Shýhratqa QHA-nyń «Jomart jan» tósbelgisi tabys etildi. Mýzyktanýshy N.Shofer, «Merkez» evreı ulttyq birlestiginiń múshesi Maksım Karapýzovtarǵa Alǵys hattar tabys etildi. Oblys ákiminiń Qurmet gramotasyn Aqsý qalasy «Elbrýs» qarashaı-cherkes jáne qabarda-balkar etno-mádenı birlestiginiń múshesi Abýlkerım Baıramqýlov pen Baıanaýyl aýdany «Rodnye napevy» horynyń jetekshisi Anna Sýshkova ıelendi.
Farıda BYQAI, «Egemen Qazaqstan»