Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Darıǵa Nazarbaeva Fransııa Ulttyq Assambleıasynyń depýtaty, «Fransııa-Qazaqstan» dostyq tobynyń prezıdenti Per Kabare bastaǵan delegasııany qabyldady.
D.Nazarbaeva fransýz Senatyndaǵy «Fransııa-Ortalyq Azııa» dostyq toby qyzmetiniń belsendi júrýine nazar aýdardy jáne EQYU Parlamenttik Assambleıasy, Eýropa Keńesi jáne NATO aıasynda fransýz áriptesterimen kóptarapty baılanystardy qalyptastyrý qajettigin atap ótti.
P.Kabare Qazaqstannyń qarqyndy damýy men ekonomıkany sıfrlandyrý jónindegi tańdalǵan baǵyttyń durystyǵyn atap ótti jáne bizdiń elimizdiń álemdegi eń damyǵan 30 eliniń qataryna kirý jónindegi bıik maqsatqa jetetinine senim bildirdi.
Senat komıtetiniń tóraǵasy asa mańyzdy birqatar Eýropalyq konvensııalar qataryna qosylý týraly Qazaqstannyń ótinishin ilgeriletý jóninde Ulttyq Assambleıanyń depýtattaryna járdemdesýdi ótindi. Munda Eýropa Keńesinde 2009 jyldan beri qaralyp jatqan sot isi jónindegi konvensııalar týraly sóz bolyp otyr. «Biz Qazaqstannyń quqyqtyq salasy Ekonomıkalyq yntymaqtastyq jáne damý uıymynyń standarttaryna sáıkes bolýyn qalaımyz», dedi D.Nazarbaeva.
Taraptar sondaı-aq saýda-ekonomıkalyq, onyń ishinde aeroǵarysh ónerkásibindegi ózara tıimdi áriptestik, sondaı-aq tikushaqtar qurastyrý jáne olarǵa tehnıkalyq qyzmet kórsetý jónindegi yntymaqtastyqty nyǵaıtýdyń keleshegin talqylady.
D.Nazarbaeva Qazaqstannyń týrıstik áleýeti men azııalyq «Silk viza» shengen vızasyn engizý barysynda Fransııa azamattary úshin ashylatyn múmkindikter týraly áńgimeledi. Fransýz tarapy ekotýrızmdi damytý tájirıbesimen bólisýge daıyn ekenin bildirdi.