Erteń, ıaǵnı shildeniń 14-i kúni alyp shaharda osy jylǵy birinshi túngi velosherý ótedi. «Sporttyq Almaty» baǵdarlamasy aıasynda ótetin velosherýdiń qashyqtyǵy 7 shaqyrymdy quraıdy.
Kez kelgen qala qonaqtary men turǵyndary «Nurly Taý» bıznes ortalyǵyna keshki 20:00-de jınalyp, sporttyq shara 20:30-da bastaıdy. Áýesqoılar ál-Farabı dańǵylymen kóterilip, Qazaqstan Respýblıkasynyń Tuńǵysh Prezıdenti saıabaǵynda márege jetedi. Márede qatysýshylardyń arasynda baǵaly syılyqtar oınatylady. Basty syılyq – velosıped.
Uıymdastyrýshylar óz tarapynan, qatysýshylarǵa arnaıy bas kıimsiz (shlemsiz) qatysýǵa tyıym salynatyndyǵyn eskertedi.
Bul velosherý «Sporttyq Almaty» qalalyq baǵdarlamasynyń qoldaýymen 2018 jyly josparlanǵan 21 velosherýdiń onynshysy bolyp sanalady.
Daıyndaǵan Aınash ESALI,
«Egemen Qazaqstan»
ALMATY