«Atameken» óz kómegin usynady

«Atameken» odaǵy» Qazaq­stan­nyń ulttyq ekonomıkalyq pa­latasy Jańaózende bolǵan tár­tip­sizdik kezinde qaza tapqan­dar­dyń otbasylary men jaqyn­dary­na qaıǵylaryna ortaqtasyp kóńil aıtady. «Atameken» tár­tip­siz­dikti uıymdastyrýshylar ózderiniń qyl­mystyq nıetterin júzege asyrý úshin «О́zen­mu­naı­gaz» qyzmetshi­leri­niń eńbek daýlaryn paıda­lan­dy dep esepteıdi. Palata zardap shekkenderge qarjylaı kómek kórsetetin bolady jáne Jańa­ózen­degi prob­le­malardy sheshý úshin qurylǵan úkimettik komıs­sııanyń jumy­syna atsalysýǵa daıyn. «Atameken» birinshi kezekte buzaqylardyń zańǵa qarsy áre­ketteri saldarynan adamdar­dyń zardap shekkenine jáne qaza tap­qanyna nazar aýdarady. Kópte­gen otbasylary asyraýshysyz, tirshilikke qajet qarjysyz jáne bas­panasyz qaldy. Jappaı bú­lin­shi­lik nátıjesinde 14 adam qaza taýyp, ondaǵan adam jara­qat­tar aldy. Sol sııaqty qalada kóp­tegen ǵımarattar men avtomobılder órteldi. Tártipsizdikter sal­darynan birqatar dúkender men ortalyq rynoktyń tonalýy­na baılanysty shaǵyn jáne orta bızneske aıtarlyqtaı zııan keltirildi. «Atameken» palatasy múshe­leri úkimettik komıssııa men qu­qyq qorǵaý organdary taıaý ýa­qytta obektıvti tergeý júr­gizip, óńirdegi ahýaldy turaqtan­dyrý isin retke keltiredi dep senedi. «Atameken» odaǵy» Qazaq­stan­nyń ulttyq ekonomıkalyq palatasy Jańaózende zardap shek­kender men qaza bolǵan­dar­dyń otbasylaryna kómek kór­se­tý jáne qarjy jınaý úshin ar­naıy esep-shot ashady. Son­daı-aq bul qarjylar búlinshi­lik ná­tıje­sin­de zardap shekken kásip­oryndarǵa da beriletin bolady. Qarjyny taratýdy ob­lystyq ákimdiktiń qoǵamdyq shtabynyń qatysýymen palata­nyń Mań­ǵys­taý oblysyn­daǵy fılıaly janyndaǵy ar­naıy komıssııa júzege asyrady, dep habarlady «Atameken» oda­ǵy­nyń aqparattyq saıasat jónin­degi qyzmeti.