Táýelsizdik shamshyraǵy

«Egemen Qazaqstannyń» arnaıy jobasy: Jasampazdyq jemisteri

Jıyrma jyldyń ishinde atqarylǵan ıgi isterdiń arqasynda árbir óńirimiz ózgerip, ómirimiz jaqsaryp keledi. «Egemen Qazaqstan» gazeti osyndaı órkendi ózgeristerdi beıneleıtin materıaldardy turaqty jarııalap turady. Tómende Atyraý qalasyndaǵy aǵylshyn tilin tereńdetip oqytatyn tehnıkalyq gımnazııadan  fotoreportaj berilip otyr.

TÁÝELSIZDIK ShAMShYRAǴY

Bul gımnazııanyń óz shákirtterine esigin aıqara ashyp, sapaly bilim bere bastaǵanyna 20 jyl toldy. Iаǵnı, 1991 jylǵy 23 qańtarda Atyraý qala­lyq keńesi aǵylshyn tilin tereń­de­tip oqyta­tyn tehnıkalyq mektep ashý jóninde sheshim shyǵarǵan edi. Sodan beri munda birinshi synyptan bastap aǵylshyn tili tereńdetile oqytylady. Iаǵnı, ózge pánderge qaraǵanda, aǵylshyn tili pániniń saǵaty kóp. Matematıka páni de solaı. Táýelsizdik tańymen jas urpaqqa bilim nárin sepken bilim uıasyna alǵashynda Ǵalymjan Súıinbaev dırektorlyqqa tańdaldy. Qaladaǵy Kalının atyndaǵy mektepte fızıka páninen dáris bergen ol jańa turpattaǵy bilim uıasynyń irgesin qalaýmen birge eń tájirıbeli muǵalimder shoǵyryn qalyptastyrdy. Bilikti ustazdyǵymen ári isker uıymdastyrý­shy­ly­ǵy­men tanylǵan Ǵalymjan Súıinbaevtyń tıisti oryndarǵa aıtqan usynysy negizinde oblys ákimi­niń 1996 jylǵy 19 maýsym­daǵy sheshimimen bul bilim uıasyna tehnıkalyq gımnazııa márte­besi berildi. Táýelsiz eldiń bilim berý salasyndaǵy sham­shy­ra­ǵy sanalatyn gımnazııany ár jyldary Rollana Esenǵulova, Sofıa Álibaeva, Aıman Es­muhanova syndy bala janyna baǵban bola bilgen ustazdar basqardy. Búgingi dırektory Sofıa Álibaevanyń aıtýynsha, gımnazııada 98 ustaz shákirtter júregine jol taýyp, sapaly bilim men sanaly tárbıe berýge mashyqtanǵan. Olardyń arasynda joǵary sanatty ıelengen 36, al birinshi sanatty 29 muǵalim bar. Tórt ustaz QR bilim berý isiniń úzdigi, sondaı-aq eki muǵalim bilim berý isiniń qur­metti qyzmetkeri belgisin alǵan. Qazaq tili men ádebıeti pániniń joǵary sanatty muǵalimi Gúlsim Ohına «Eren eńbegi úshin» medalimen marapat­tal­ǵan. Sonymen birge, gımnazııa ustazdary arasynda Y. Altyn­sarın tósbelgisiniń ıegerleri de bar. – Bizdegi negizgi basymdyq aǵylshyn tili men matematıka pánderine beriledi. Munyń basty sebebi – munaıly óńirdi shet tilin jetik biletin kadrlarmen qamtamasyz etýdiń bastapqy qadamdaryna jol ashý, – deıdi dırektor Sofıa Álibaeva. – Árı­ne, gımnazııada ózge pánder de tıisti baǵdarlamaǵa sáıkes oqytylady. Shet tilin bastaýysh synyp­tan oqyta bastaýdyń jemisin aldymen shákirt­terimiz kórip júr. Shákirt demekshi, gımnazııanyń bilikti ustaz­darynan tálimdi dáris alǵan oqýshylar qalalyq, oblystyq baıqaýlarda qatarlastarynan únemi oq boıy ozyp júredi. Respýblıkalyq, halyqara­lyq baıqaýlardan da júldemen oralǵandary kóp. О́ıt­keni, bul gımnazııanyń ustamdy ustazdary jańa tehnologııalardy jetik meńgergen, ári izden­gish, shetelde de bilimin jetildiredi. Ozyq oıly shá­kirt­teri úzdik oqıdy. Ǵylymı joba­larǵa kóp­tep qatysady. Gımnazııa oqýshylary UBT qory­tyn­dysynda da udaıy joǵary upaı alyp, ózge mek­tep bitirýshilerden alda keledi. Máselen, gım­nazııanyń 2004 jylǵy túlekteriniń ortasha baly – 71 bolsa, 2009 jyly 102 balǵa, 2010 jyly 105 balǵa ıe boldy. Al bıylǵy, ıaǵnı gımnazııany 2011 jyly bitirgen oqýshylar UBT-da 107,5 ball jınady. Gımnazııany bitirýshiler arasynda jyl saıyn «Altyn belgige» ıe bolatyndar kóp. «Úzdik attestat» alýshylardy aıtpaǵanda, 2004 jyldan beri bul gımnazııany bitirgen 43 túlek «Altyn belgi» ıegeri atandy. Tek 2011 jylǵy túlekter arasy­nan 12 oqýshy gımna­zııa­ny «Altyn belgimen» bitirdi. Bul – óńirdegi mektep arasyndaǵy eń joǵary kórset­kish. Gımna­zııa­ny úzdik bitirgender bilim grant­ta­rymen elimizdiń tańdaýly joǵary oqý oryn­daryn­da bilim alýda. Sondaı úzdik shákirttiń biri Al­tynaı Kenjına Nazarbaev Ýnıversıtetinde oqı­­dy. Ha­lyqaralyq «Bolashaq» baǵdarlama­sy­nyń gran­tyn ıelengen Álııa Erbólekova Ulybrı­ta­nııa­nyń, al Aınur Erjanova Kanadanyń eń tań­daýly bilim ordalarynda oqyp júr. Gımnazııany «Altyn belgimen» bitirip, «Bolashaqtyń» granty­na ıe bol­ǵan Dınara Qalenova Ulybrı­tanııa­dan magıstr ata­nyp keldi. Qazir Adjıp QKO kompa­nııa­synda aq­pa­rattyq tehnologııalar bóliminde jumys jasaıdy. – Bizdiń shákirtterge tereń bilim, tálimdi tárbıe berýde ustanatyn basty qaǵıdamyz – Qazaqstannyń otansúıgish, kóshbasshy jas­taryn tárbıeleý. Sebebi, táýelsiz elimizdi álem­ge ta­ny­ta­tyn da, órkendeı berýine úles qo­sa­tyn da báse­kege qabiletti, bilimdi jas­tary ǵoı. Al biz tú­lek­terimizdiń búgingi dáýir jas­tary­nyń arasynda ozyq bilimimen, kóshbasshylyq qabiletimen tanylýyna yqpal etemiz – deıdi Atyraýdaǵy aǵylshyn tilin tereńdetip oqytatyn gımnazııa dırektory S.Álibaeva. ________________________________________ Arnaıy betti daıyndaǵan «Egemen Qazaqstan» gazetiniń Atyraý oblysy boıynsha menshikti tilshisi Joldasbek ShО́PEǴUL.