Baqtyń barar jeri – yntymaq

Elbasynyń Mań­ǵys­taý oblysyndaǵy sapa­rynda aıtqan pikirleri beıbitshilikti súıetin árbir azamattyń kó­keıi­ne qonady. Jańa­ózen­degi qaıǵyly oqıǵa ondaǵy qaı­tys bolǵan ata-analardyń ǵana emes, barsha qazaqstan­dyq­tardyń ortaq qaıǵysy. Jap­paı tártipsizdikti uıym­das­tyryp, órimdeı jastardy otqa aıdap salǵan qyl­mystylar erte me, kesh pe anyqtalyp, zań aldynda ádil jazasyn alaryna senemiz. Úlken qa­saphanalarda mal soıatyn beketke qoı­lardy otary­men bastap kelip, jaqyn­da­ǵan­da qaptaldaǵy esik arqyly jalt beretin arandatqysh eshki bolady desedi. О́z halqyn ajalǵa aıdaǵandardy, jas­tarǵa memlekettik nysandar men jeke menshik qurylym, bız­nes oryndaryn talqandat­ty­ryp, ózderi tasada qalyp masaırap júrgenderdi ha­lyq­tyń qany jibermes. Sheteldik sarap­shylar da munyń arnaıy uıymdastyrylǵan aksııa ekendigin atap kórsetip otyr. Ras, kúrdeli máseleni der kezinde sheshýge Úkimette múm­kindik bolyp edi. “Sa­mu­ryq-Qazyna” qory, “Qaz­Mu­naıGaz” kompanııasy Elbasy­nyń eńbek daýyn merziminde sheshý týraly tapsyrmasyn uzyn arqan, keń tusaýǵa salýy osyndaı ókinishke uryn­dyr­dy. Elbasy Úkimettik komıs­sııa­ǵa eki apta ishinde “О́zen­munaıgaz” kompanııasynyń qyzmetkerleri men Jańaózen turǵyndarynyń narazylyǵyn týdyrǵan sebepterdi anyqtap, qıraǵan nysandardy qysqa merzim ishinde qalpyna keltirýdi tapsyrdy. Mańǵystaýda aıtylǵan oı­lar Úkimetti qatty oılan­dy­ryp, sabaq aldyrýy tıis. Elge keregi – tynyshtyq, beıbit ómir. Basqa eldermen salys­ty­r­ǵanda jahandyq daǵda­rys­ty jeńil ótkizip jatqan Qazaq­stan­da mundaı oqıǵalar qaıta­lanbaýy kerek dep esepteımiz. Ánıpa HALBAEVA, “Gaýhar” tigin fabrıkasynyń dırektory. ShYMKENT.