Búgin Almatyda Qazaqstan Respýblıkasy Ishki ister mınıstriniń orynbasary Iý.V.Ilınniń tóraǵalyǵymen Ujymdyq qaýipsizdik týraly sharttar uıymyna múshe memleketterdiń tótenshe jaǵdaılar jónindegi úılestirý keńesiniń on birinshi otyrysy ótti, dep habarlaıdy QR IIM TJ komıtetiniń baspasóz qyzmeti.
Úılestirý keńesiniń otyrysyna Armenııa Respýblıkasynyń TJ mınıstri G.D. Rostomıan, Belarýs Respýblıkasy Tótenshe jaǵdaılar mınıstriniń orynbasary A.F. Hýdoleev, Qyrǵyz Respýblıkasy Tótenshe jaǵdaılar mınıstriniń orynbasary K.O. Ahmatov, Reseı Federasııasy TJ mınıstriniń orynbasary P.F. Baryshev, Tájikstan Respýblıkasy Úkimetiniń janyndaǵy Tótenshe jaǵdaılar jáne azamattyq qorǵanys komıteti tóraǵasynyń orynbasary M.M. Salımzoda, UQShU hatshylyǵy bas hatshysynyń orynbasary V.A. Semerıkov, sondaı-aq Ortalyq Azııadaǵy Halyqaralyq Qyzyl Krest komıtetiniń О́ńirlik ókildiginiń Basshysy Jan-Jerom Kasabıanka, Halyqaralyq Qyzyl Krest komıtetiniń Reseı Federasııasy, Belarýs jáne Moldovadaǵy О́ńirlik delegasııalary Qarý-jaraq qaýpine qarsy kúres bóliminiń ofıseri A. Melnıkov, Qazaqstan Respýblıkasy Qyzyl Jarty Aı qoǵamynyń bas dırektory E.T. Dakebaeva, Tótenshe jaǵdaılar jáne dúleı zilzalalardyń qaýip-qaterin azaıtý ortalyǵynyń dırektory V.V. Petrov qatysty.
Otyrys barysynda UQShU TJÚK-nyń tóraǵasy Iý.V. Ilın qatysýshylardy bir jyl ishinde UQShU-ǵa múshe memleketter quzyretti organdarynyń tótenshe jaǵdaılardyń ýaqytyly aldyn alý jáne olardyń saldaryn joıýdyń tıimdi júıesin jasaýǵa baǵyttalǵan birlesken qyzmettiń úılestirý mehanızmderin qalyptastyrý jónindegi kúshterin biriktirý boıynsha atqarylǵan jumysy týraly aıtty.
2018 jylǵa arnalǵan oqý-jattyǵýlar men UQShU-ǵa múshe memleketter ýákiletti organdarynyń ózara is-áreketterin pysyqtaý boıynsha basqa birlesken is-sharalar josparlary oıdaǵydaı iske asyrylyp jatqany týraly baıandaldy.
2018 jylǵy 15-16 naýryzda Astana qalasynda (Qazaqstan Respýblıkasy) UQShU-ǵa múshe memleketterdiń tótenshe jaǵdaılar jónindegi úılestirý keńesiniń janyndaǵy jumys tobynyń otyrysy ótti.
2018 jylǵy 15-16 mamyrda Erevan qalasynda (Armenııa Respýblıkasy) UQShU jedel den qoıý ujymdyq kúshteriniń Arnaıy baǵyttaǵy kúshteri quramalarynyń quramyna bólingen UQShU-ǵa múshe memleketterdiń tótenshe jaǵdaılardyń aldyn alý jáne olardy joıý salasyndaǵy ýákiletti organdar bólimsheleriniń komandalyq quramymen oqý-ádistemelik jıyn ótkizildi.
2018 jylǵy 19-20 maýsymda Almaty qalasynda «Skala-2018» UQShU-ǵa múshe memleketter qutqarý quramalarynyń taktıkalyq-arnaıy oqý-jattyǵýyna daıyndyq jónindegi jumys tobynyń otyrysy ótti. Osy is-shara aldaǵy oqý-jattyǵýǵa daıyndyq kezinde mańyzdy jáne tıimdi bolyp tabylatynyn atap ótken jón.
2018 jylǵy 11-20 shildede Belarýs Respýblıkasy TJM Gomel ınjenerlik ınstıtýty jáne Komandalyq-ınjenerlik ınstıtýty janyndaǵy lıseı bazasynda HVI Halyqaralyq jas qutqarýshylar-órt sóndirýshiler sleti ótti.
2018 jylǵy 10-11 qyrkúıekte UQShU jedel den qoıý ujymdyq kúshteriniń arnaıy maqsattaǵy kúshter quralymdarynyń quramyna bólingen UQShU-ǵa múshe memleketterdiń tótenshe jaǵdaılardyń aldyn alý jáne olardy joıý salasyndaǵy ýákiletti organdary bólimshelerimen «Skala-2018» III arnaıy taktıkalyq oqý-jattyǵýy ótti.
UQShU UQK 2017 jylǵy qarashada ótken sessııasynyń sheshimin iske asyrý boıynsha is-sharalar josparyn jáne uıymǵa tóraǵalyǵy kezeńinde Qazaqstan Respýblıkasy usynǵan basymdyqtardy oryndaý jumystary júrgiziledi. Tótenshe jaǵdaılarda zardap shekken adamdarǵa kómek kórsetý kezinde úkimettik emes jáne halyqaralyq uıymdardyń áleýetin paıdalaný maqsatynda olarmen yntymaqtastyq keńeıtilýde.
Otyrysta tótenshe jaǵdaılarda zardap shekken adamdarǵa kómek kórsetý kezinde halyqaralyq uıymdardyń áleýetin paıdalaný, tótenshe jaǵdaılardyń aldyn alý jáne olardy joıý salasyndaǵy ýákiletti organdardyń bólimshelerimen taktıkalyq-arnaıy oqý-jattyǵý ótkizý, UQShU-ǵa múshe memleketter úshin kadrlardy daıarlaıtyn bazalyq oqý oryndarynyń qyzmeti, tótenshe jaǵdaılardyń aldyn alý jáne olardy joıý salasyndaǵy ýákiletti organdardyń ózara is-qımyl jasaý, «UQShU-ǵa múshe memleketterdiń tótenshe jaǵdaılarǵa den qoıýy týraly» UQShU Ujymdyq qaýipsizdik keńesiniń 2016 jylǵy 14 qazandaǵy sheshiminiń oryndalýyn uıymdastyrý, Armenııa Respýblıkasy aýmaǵynda reseı-armıan gýmanıtarlyq den qoıý ortalyǵyn qurý prosessi maqsatynda olarmen odan arǵy yntymaqtastyq máseleleri jáne basqa máseleler qaraldy.
Is-shara tótenshe jaǵdaılar jónindegi úılestirý keńesiniń qorytyndy qujattaryna qol qoıyldy. Otyrys qorytyndysy boıynsha UQShU-ǵa múshe memleketterdiń tótenshe jaǵdaılar jónindegi úılestirý keńesi on birinshi otyrysynyń hattamasy qabyldandy, onda barlyq qabyldanǵan sheshimder jazyldy.