M.Qozybaev atyndaǵy Soltústik Qazaqstan memlekettik ýnıversıteti men aspan asty eliniń aýyl jáne orman sharýashylyǵy soltústik batys ýnıversıtetiniń ózara ýaǵdalastyǵy arqasynda agrobıostansııa óz jumysyn bastady.
Eńseli oqý ornynda 7 myńnan astam stýdent 18 mamandyq boıynsha daıarlanady. Bıyl agrotehnologııalyq fakýltet ashylyp, bolashaq aýylsharýashylyq salasynyń mamandary qytaılyq jáne jergilikti ýnıversıtet áriptestigi aıasynda oqytylady. Shan sı provınsııasynyń joǵarǵy bilim berý mekemesimen jasalǵan kelisimshart negizinde ashylǵan agrobıostansııada Qytaıdan jetkizilgen aýylsharýashylyq daqyldarynyń teriskeıdiń klımatyna beıimdiligi jan-jaqty zertteletin bolady.
«О́zara áriptestistiktiń tıimdiligi zor. Agrotehnologııalyq fakýltettiń 6 stýdenti Shan sı provınsııasyna baryp, bilimderin odan ári jalǵstyrady. Onda topyraq ereksheligi zertteledi, mol ónim alý joldary úıretiledi», deıdi agrotehnologııa fakýltetiniń dekany Altyn Shaıahmetova.
Qytaı aýyl jáne orman sharýashylyǵy soltústik batys ýnıversıtetiniń keńes tóraǵasy Lı Sıvannyń aıtýynsha provınsııa shóldi aımaqta ornalasqan. Aýylsharýashylyq jáne azyq-túlik ınjenerlerin daıarlaıtyn oqý ornynda shóldi dalalarda ornalasqan egistikten mol ónim alýdyń ozyq tehnologııalary keńinene qoldanylady.
Agrobıostansııada qytaı mamandary shyǵarǵan seleksııaly bıdaı, zyǵyr, burshaq tuqymdas, kartop jáne taǵy basqa aýylsharýashylyq daqyldarynyń suryptary usynyldy. Joǵary ónimdileri jergilikti sharýashylyqtardyń qoldanylýyna beriledi.
О́mir ESQALI,
«Egemen Qazaqstan»
Soltústik Qazaqstan oblysy