Tártip saqshylarynyń qyzmeti qaı kezde de qyraǵylyqty talap etedi. Qoǵamnyń tynyshtyǵyn saqtaýda, túrli quqyqbuzýshylyqtarmen kúresýde polıseılerdiń eńbegi erekshe. Jambyl óńirinde jyl sanap sala mamandaryna qamqorlyq artyp keledi. Sonyń naqty kórinisi retinde jýyrda ortalyq «Dostyq» alańynda oblys ákimi Asqar Myrzahmetovtiń qatysýymen oblystyq Ishki ister departamentiniń qyzmetkerlerine 68 birlik sý jańa patrýldik kóliktiń kilti tabystaldy. Bul kólikter Qostanaı qalasyndaǵy óndiris oshaǵynda qurastyrylǵan. О́z sózinde óńir basshysy jumysty talapqa saı atqarý úshin materıaldyq-tehnıkalyq bazanyń da mańyzdy ekenin, sondyqtan da bıýdjettiń múmkindiginshe jyl sanap departament qajettilikterin qamtamasyz etýge tıisti qarjy bólinip kele jatqanyn aıtyp ótti.
Máselen, osy jyly atalǵan salany jandandyrýǵa 7 mıllıardqa jýyq qarjy qarastyrylǵan. Bul kórsetkish osydan eki jyl burynǵy merzimmen salystyrǵanda 1,8 mıllıonǵa artyq. О́z sózinde oblystyq Ishki ister departamentiniń bastyǵy, polısııa polkovnıgi Arman Orazalıev aımaq basshysyna alǵysyn aıta kelip, aldaǵy ýaqytta jemisti jumys isteıtinin jetkizdi. Aıta keteıik, 68 birlik patrýldik tehnıka alýǵa oblystyq bıýdjetten barlyǵy 447 mıllıon teńge qarjy qarastyrylǵan bolatyn.
Hamıt ESAMAN,
«Egemen Qazaqstan»
Jambyl oblysy