Bul týraly Ishki ister mınıstri Q.N. Qasymov aıtty.
Jyl basynan beri qylmys sany 8%-ǵa ( 175 myńǵa deıin), qylmystyq teris qylyqtar 15%-ǵa (20 myńǵa deıin) azaıdy.
Asa aýyr (-5%,) jáne aýyr qylmystar (-17%), ortasha (-8%) jáne aýyr emes qylmys túrleriniń sany(-10%) qysqardy. Tonaý (-10%), buzaqylyq (-17%), urlyq (-9%), sondaı-aq qoǵamdyq oryndardaǵy qylmystar (-8%), sonyń ishinde kóshelerdegi qylmys (-5%), tómendedi. Buryn sottalǵandar tarapynan oryn alatyn qylmys (-35%), mas kúıinde jasalatyn (-11%) jáne jasóspirimder qylmysy (-4%) da az tirkeldi. Degenmen, urlyq sany burynǵysha eń kóp taralǵan qylmys túri bolyp otyr. Onyń úlesi jalpy qylmys kórsetkishi ishinde 70%-ti quraıdy.
Osyǵan baılanysty, polısııa men Ulttyq ulan jasaqtarynyń jumysy jetildirilýde, oqıǵaǵa jedel den qoıý jyldamdyǵy artty, quqyq tirtipti kúzetý salasyna ınnovasııalyq tenologııalar belsendi engizilýde, sonyń ishinde::
- táýlik boıy qyzmet atqaratyn polısııanyń keshendi kúshterin basqarý úshin Jedel basqarý ortalyqtary jumys isteıdi. Mundaı ortalyqtar árbir oblys ortalyqtarynda bar, qazirgi ýaqytta krımınogendik jaǵdaıy qıyn shaǵyn qalalarda da salynýda (Jańaózen, Rýdnyı, Shýchınsk, Semeı jáne Hromtaý qalalarynda, 2019 jyly Qapshagaı, Rıdder, Temirtaý jáne Stepnogorsk qalalarynda JBO qurý josparlanyp otyr);
- jergilikti atqarýshy organdardyń qoldaýymen qala kóshelerinde, halyq kóp jınalatyn jerlerde beınebaqylaý (6 myń dana) júıesi damyp keledi;
- «Qaýipsiz aýla» baǵdarlamasy aıasynda Astana, Almaty jáne oblys ortalyqtarynda beınebaqylaý júıesi keńitile bastady, qazirgi ýaqytta 15 myń turǵyn úı qadaǵalanady (42 myń beınekamera ornatyldy, onyń ishinde 1280-i PPB-ǵa, konserjderdiń beınebaqylaý pýltterine 1796-y qosylǵan);
- jol qaýipsizdigi salasynda JQE buzýdyń foto-beıne tirkeý júıesi jáne jol qozǵalysyn baqylaýdyń «ıntellektýaldy» júıesi engizilýde (3,3 myń. birlik.);
Polısııa narıadtary stasıonarly jáne alyp júrý beıne tirkegishterimen tolyqtaı qamtamasyz etilgen.
▪ Elektrondy ákimshilik óndiris engizilýde. Polıseıler kezeń-kezeńmen derbes planshettermen qamtamasyz etilýde, olardyń kómegimen hattamalar toltyrylady, aıyppuldar óndiriledi.
Aǵymdaǵy jyly 17,8 myń mas bolǵan júrgizýshi ustaldy. Sot tártibimen 25,6 myń zań buzýshy kólik júrgizý quqyǵynan aıyryldy, al 2200 júrgizýshige ákimshilik qamaý sharasy qoldanyldy. Aǵymdaǵy kezeńde 9 669 (-8,7%) jol-kólik oqıǵasy tirkeldi.