Jeksenbi, 8 qańtar 2012 0:02
О́mirde ne bolmaıdy deısiz. Taraz qalasynyń erli-zaıypty jas turǵyndary Iýrıı men Natalıa Kýlıkova Úndi eline saıahattap baryp, elge náresteli bolyp qaıtamyz dep oılaǵan joq.
Olar 5 qyrkúıek kúni Delıge attanǵanda jas ananyń qursaǵyndaǵy sharana alty aılyq bolatyn. Biraq náresteniń ómirge erte kelýine Úndi elindegi sol mezettegi qatty jer silkinisi áser etken. Delı qalasyndaǵy kindikshesheler «shala týǵan» náresteni qoldan tynys aldyrý úshin birden barokameraǵa ornalastyrypty. Ol osy «besikte» 2 aı jatýy kerek, al kúndelikti kútimi úshin 350 AQSh dollary qajet. О́kinishke qaraı, saıahatshy ata-analardyń aqshasy taýsylǵan.
Jeksenbi, 8 qańtar 2012 0:02
О́mirde ne bolmaıdy deısiz. Taraz qalasynyń erli-zaıypty jas turǵyndary Iýrıı men Natalıa Kýlıkova Úndi eline saıahattap baryp, elge náresteli bolyp qaıtamyz dep oılaǵan joq.
Olar 5 qyrkúıek kúni Delıge attanǵanda jas ananyń qursaǵyndaǵy sharana alty aılyq bolatyn. Biraq náresteniń ómirge erte kelýine Úndi elindegi sol mezettegi qatty jer silkinisi áser etken. Delı qalasyndaǵy kindikshesheler «shala týǵan» náresteni qoldan tynys aldyrý úshin birden barokameraǵa ornalastyrypty. Ol osy «besikte» 2 aı jatýy kerek, al kúndelikti kútimi úshin 350 AQSh dollary qajet. О́kinishke qaraı, saıahatshy ata-analardyń aqshasy taýsylǵan.
Jas jubaılardyń anasy kómek surap bılikke keldi. Jambyl oblysynyń ákimi Qanat Bozymbaev Delı emhanasyndaǵy qazaqstandyq náresteniń ómiri úshin kómek berip, Syrtqy ister mınıstrligi arqyly tıisti qarjyny aýdardy.
Sóıtip Úndi eline ekeý bop ketken Iýrıı men Natalıa elge úsheý bop oraldy. Kýlıkovalardyń otbasyna keshe oblys ákimi Q. Bozymbaev arnaıy baryp, Delıde dúnıege kelgen Zlata atty qyzdy aman-esen oralýymen quttyqtap:
- Biz elimizdegi árbir adamnyń taǵdyryna nemquraıdy qaraı almaımyz. Qıyndyq qaı kezde de bolyp turady. Másele sony qalaı sheshýde. Táýelsizdigimizdiń 20 jyldyq kezeńinde Elbasy Nursultan Nazarbaev árbir azamattyń áleýmettik qajettiligine baǵyttalǵan durys jáne tıimdi júıeni quryp berdi. Sondyqtan biz óz azamattarymyzdy qıyndyqta qaldyra almaımyz, – dedi.
Al Delıde dúnıege kelgen qyzdyń ákesi Iýrıı Kýlıkov:
- Elbasy Nursultan Ábishulyna jáne oblys ákimi Qanat Aldabergenulyna otbasymyzdyń atynan shyn júrekten úlken alǵysymdy bildiremin. О́ıtkeni biz jat elde kútpegen jaǵdaıǵa tap bolyp, qınalyp jatqan kezde bizge telefon shalyp, elimizdegi jergilikti bılik oryndary kómekteskeli jatyr dep aıtqanda Otan-ana degen sózdiń maǵynasy shyn máninde qandaı bolatynyn jete túsindk. Bul elimizge, halqymyzǵa degen maqtanysh sezimimizdi qanttandyryp jiberdi, – dedi tolqyp.
Elge kelgen soń Zlata Kýlıkova Almatydaǵy balalar aýrýhanasynda tekserýden ótipti. Qazir náreste óz úıi, óleń tóseginde ózin óte jaqsy sezinýde.
Kósemáli SÁTTIBAIULY,
«Egemen Qazaqstan».
Jambyl oblysy.