Seısenbi, 27 naýryz 2012 7:12
Saryaǵash aýdanynda burynǵy Keles aýdanyn qosqanda jalpy 295320 halyq turady. Osy eldegi 22 naýqas sozylmaly glomerýlonefrıtpen, sozylmaly búırektiń jumys isteý qabileti aýrýymen aýyryp, onyń 9-y aptasyna 3 ret, 6-y aptasyna 2 ret, 7-i aptasyna 1 ret gemodıalız, ıaǵnı, jasandy búırek apparatymen, aýdan aralyǵynan 130 shaqyrym jerdegi Shymkent qalasyndaǵy oblystyq klınıkalyq aýrýhanasyndaǵy gemodıalız ortalyǵynda emdelip keldi.
Seısenbi, 27 naýryz 2012 7:12
Saryaǵash aýdanynda burynǵy Keles aýdanyn qosqanda jalpy 295320 halyq turady. Osy eldegi 22 naýqas sozylmaly glomerýlonefrıtpen, sozylmaly búırektiń jumys isteý qabileti aýrýymen aýyryp, onyń 9-y aptasyna 3 ret, 6-y aptasyna 2 ret, 7-i aptasyna 1 ret gemodıalız, ıaǵnı, jasandy búırek apparatymen, aýdan aralyǵynan 130 shaqyrym jerdegi Shymkent qalasyndaǵy oblystyq klınıkalyq aýrýhanasyndaǵy gemodıalız ortalyǵynda emdelip keldi.
Gemodıalız apparaty Abaı aýylynda, Saryaǵash qalasynda, Qazyǵurt aýdanynda bolmaǵan. Osy aýrýlardyń barlyǵy Shymkentte ǵana em-dom alýǵa tıis edi. Sondyqtan, Ońtústik Qazaqstan oblystyq densaýlyq saqtaý basqarmasynyń bastyǵy Jumaǵalı Ismaılovqa ótinish aıtqan edik. Oblystyq densaýlyq saqtaý basqarmasynyń osy máselege túsinistikpen qaraýynyń arqasynda Abaı aýyly jáne Qazyǵurt aýyly ortasynda ornalasqan Saryaǵash aýdandyq ortalyq aýrýhanasynan gemodıalız ortalyǵy ashyldy. Oǵan Germanııada shyǵarylǵan, «Frezenıýs medıkal keır-4008 S» apparaty iske qosylyp, 22 naýqas emderin alyp, úlken alǵys bildirip jatyr.
Osynda emdelip jatqan Mamyrbekov Qanybek barlyq naýqastardyń atynan zamanaýı medısınalyq qural-jabdyqtardy alýǵa Úkimetke tapsyrma bergen Memleket basshysyna jáne oblys basshylyǵyna rahmet aıtady.
– Men 1998 jyldan beri osy aýrýǵa shaldyqtym. О́z basym Shymkent qalasyna aptasyna 3 ret em alý úshin jeksenbi kúni Saryaǵash qalasynan ketip, senbi kúni úıge keletinmin. Sonda jetisine 1 kún ǵana úıde bolamyn. Úıdegi bala-shaǵamdy saǵynyp kelip, maýqymdy basa almaı jeksenbi kúni emdelýge qaıta ketýge májbúr edim. Shymkent qalasynda qonatyn úıim de joq, páter jaldap jatyp emdeldim. Qystyń taıǵaq kúnderi, jazdyń ystyq kezderi baryp-kelýge óte qatty qınaldyq. Qazir Saryaǵash aýdandyq ortalyq aýrýhanasynan gemodıalız ortalyǵynyń ashylǵanyna rahmet aıtamyz,–deıdi.
Bul bir adamnyń pikiri ǵana. Oblystyq densaýlyq saqtaý basqarmasy mundaı jaqsylyqtarmen ǵana shektelip otyrǵan joq, aýdandyq aýrýhanany ıne-jipten jańa shyqqandaı jóndeýge qarajat bóldi. Naýqastardyń oıdaǵydaı emdelýine jaǵdaı týǵyzdy. Bul basqarmanyń tikeleı mindetine jatqanymen, burynǵy basshylar tarapynan qozǵalmaǵan seń edi. Úsh júz myńǵa tarta halqy bar Saryaǵash aýdany endi emdelý úshin Shymkentke sabylmaıtyn boldy.
Bekbosyn TÁShENOV, Saryaǵash aýdandyq ortalyq aýrýhanasynyń bas dárigeri.
Ońtústik Qazaqstan oblysy.