«Bóbektegi» ertegi álemi

Beısenbi, 23 tamyz 2012 7:25

Balalyq shaq – baqytty shaq bolýy kerek. Ǵulamalar bizge osyndaı ósıet qaldyrǵan. «Tárbıe – ulaǵatty is» – dep uly oıshyl Ál-Farabı aıtpaqshy, árqashan da mártebeli, árqashan da minberi bıik ıgi ister qataryndaǵy tárbıeniń negizgisi – densaýlyq tárbıesi bolyp otyr.

Beısenbi, 23 tamyz 2012 7:25

Balalyq shaq – baqytty shaq bolýy kerek. Ǵulamalar bizge osyndaı ósıet qaldyrǵan. «Tárbıe – ulaǵatty is» – dep uly oıshyl Ál-Farabı aıtpaqshy, árqashan da mártebeli, árqashan da minberi bıik ıgi ister qataryndaǵy tárbıeniń negizgisi – densaýlyq tárbıesi bolyp otyr.

Prezıdent N.Á.Nazarbaev «Ja­ńa álemdegi jańa Qazaqstan» atty Qazaqstan halqyna Joldaýynda elimizdiń damýynyń jańa keze­ńindegi memlekettik saıasattyń bir baǵyty medısınalyq qyzmet kór­setý sapasyn jaqsartý jáne den­saýlyq saqtaýdyń joǵary tehno­logııalyq júıesin damytý bolýy kerek dep atap kórsetti. Qazaqstan Respýblıkasynyń densaýlyq saq­taý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarla­masynyń belgili mindetteriniń biri – Biryńǵaı ulttyq densaýlyq saqtaý júıesin damytý jáne je­tildirý. Elimizdiń birinshi hanymy Sara Alpysqyzy Nazar­baevanyń balalarǵa jasap otyrǵan qam­qorlyǵyn tizbeleı berýge de bolar edi. Desek te, solardyń ishindegi eń mańyzdysy – «Respýblıkalyq «Bóbek» balalardy saýyqtyrý-ońaltý ortalyǵy» dep batyl aı­týymyzǵa bolady. Bul ortalyq 1997 jyly 5 qarashada ashylǵan bolatyn.Búginde «Bóbek» Ulttyq ǵy­lymı-praktıkalyq bilim berý jáne saýyqtyrý ortalyǵy elimiz­diń barlyq aýmaǵyndaǵy kóp­ba­laly jáne az qamtylǵan ot­ba­sylarǵa, balalar úıi men ekolo­gııa­sy nashar aýdandardaǵy bala­larǵa belsendi túrde kómek qolyn sozyp keledi. Munyń ishinde eń nátıjeli baǵdarlamalardyń biri retinde densaýlyq saqtaý qyzmet keshenin aıtýymyz oryndy. Jyl boıynda bul keshenge elimizdiń shalǵaı aýdandarynan 1500-ge jýyq bala kelip, densaýlyǵyn jaqsartady. Al mamyrajaı jaz­dyń demalysynda balalar den­saýlyq saqtaý lagerinde bolyp qaıtady. Jalpy, 15 jyldyń ishinde munda 30 000-daı bala boldy.Ortalyq qyzmetkerleri ár balanyń áleýmettik jaǵdaıymen tolyq tanysady. Eń basty maqsat – balalar deniniń saýlyǵy ǵana emes, sonymen qatar, rýhanı-adamgershilik qasıetterdi ıgerýine yqpal jasaý. Bul úrdistiń birinshi qadamy balalardyń kúntizbelik kestesinde kórsetilgendeı, shattyq sheńberimen bastalady. «О́zin-ózi taný» negizinde bilim berý tu­jyrymdamasynda úzdik dep ta­nylǵan oqytý túrleri men maz­muny qoldanylady.Ortalyqqa kelgen balalardyń tolyqqandy rýhanı-úılesimdi damýy úshin barlyq jaǵdaılar qarastyrylǵan: jaryq ta ádemi ǵımaratpen, tamasha emdik-saýyq­tyrý kesheni jáne basseınmen qamtamasyz etilgen. Barlyq jerde balalardyń oıdaǵydaı tyny­ǵýyna, sporttyq oıyn keshenderi, jazǵy saıabaqtar, baý-baqshalar, án-bı oryndary, kitaphana, kıno, konsert zaldary, psıhologııalyq tynyǵýǵa arnalyp jabdyqtalǵan sensorly jáne demalys bólmeleri mektep jasyndaǵy balalardyń ýaqytty tıimdi ótkizýine zor múmkinshilik jasaıdy. «Bóbek» saýyqtyrý ortalyǵynda balalar óz densaýlyǵyn shynyqtyrý barysynda alfa kapsýla, saýna, tis dárigeri, fızıoterapııalyq emdeý, sáýlemen emdeý, býmen tynystaý, gıdro, tuzdy, shyrsha vannalaryn qabyldaıdy. Qazirgi ýaqytta sa­ýyqtyrý 22 kúndik kýrstan tu­rady.Lagerde balalar kóptegen qyzyqty tanymdyq is-sharalarǵa qatysady. Observatorııaǵa, kitap­hanaǵa barý, KTK (Kóńildi tapqyr­lar klýby) oıyndary, án-bı konkýrstary, túrli vıktorınalar jáne «Bóbek» tańǵajaıyp ále­mimen erkin tanysa alady. Orta­lyqta ótkizgen kúnderden umy­tylmas sátter, jańa tanysýlar, jańa dostar, esten ketpes áser alý da osy «Bóbektegi» ertegi áleminiń jarqyn kórinisi.Sholpan QOLYMBAEVA,«Bóbek» UǴPBBSO Bas dırektorynyń orynbasary, pedagogıka ǵylymdarynyń kandıdaty, dosent,Ardaq QULTAI,«Bóbek» Ulttyq ortalyǵynyń aǵa ǵylymı qyzmetkeri.